[A:392]te brgyud pa 'di las thob pa rnams la mthil du mdzad/ rtsa ba'i bla ma mchog kyang chos rje 'di la mdzad do/ /bla ma 'dis chos rje nyid la yang hor gyis gdan 'dren 'ong ba 'dug ste/ der byon na 'gro don chen po 'ong bar 'dug ste sku tshe thung bar 'dug /'on kyang 'byon mi dgos pa byed mkhan 'dra 'ong bar 'dug ces dang / bod 'dir dus skabs ngan pa 'char zhing yun ring bsdad kyang mi legs pa mang po mthong bar 'dug ces pa dang / da lo bcu lhag tsam na mar sa skya pa la 'byung tshul la sogs pa ma 'ongs pa mang po lung bstan to/ /yang gcen po kun dga' nyi ma dang / ti shrI kun dga' rgyal mtshan/ 'jam dbyangs don yod rgyal mtshan pa rnams las kyang thugs bskyed dang tshad ma la sogs pa'i chos cung zad gsan/ kun spangs chen po'i bu chen chos rje brag kha ba grags pa seng ge las dus 'khor gyi dbang / sbyor drug /thugs rje chen po'i dmar khrid/ gcod/ gzer lnga/ dka' thub kyi skor la sogs pa mang du gsan/ bla ma sron pa chos dpal bzang po pa las sbyor drug /khong pa rang gi lugs srog rtsol gyi man ngag /gshin rje'i gshed kyi chos skor la sogs pa mang du gsan/ skad gnyis smra ba'i dbang po/ dpang lo tsA ba blo gros brtan pa las dbu ma skor/ phar tshad mngon sum/ sgra dang snyan ngag /sems 'grel skor gsum la sogs pa mdo sngags kyi gzhung 'grel du ma gsan no/ /yang thams cad mkhyen pa bu ston rin po che pa las 'phags dus yo ga gsum la sogs pa chos kyi sgo bsam gyis mi khyab pa bla ma de nyid la mnga' ba rnams phal cher gsan cing thugs su chud par mdzad do/ /yang rgyal sras rin po che thogs med pa las khams gsum rnam rgyal gyi dbang la sogs pa mdo sngags kyi lung man ngag du ma gsan cing thugs su chud par mdzad do/ /yang gan pa rin chen rgyal mtshan pa las gur rigs bsdus/ gsang 'dus