[A:390]po byung gsungs/ dgung lo bcu drug gi bar du bla ma bzang po pa dang bla ma gzhon nu dpal gnyis las pha chos brtag gnyis bde kye yo ga gsum la sogs pa sa lugs kyi dbang byin rlabs lung man ngag mang du gsan cing phyag len phra mo yan chad thugs su chud par mdzad/ bla ma bzang po pa de nyid las sbyor drug /thugs rje chen po'i dmar khrid la sogs pa zhus pas 'jam pa'i dbyangs kyis zhal gzigs pa la sogs pa ting nge 'dzin gyi sgo du ma 'khrungs so/ /yab las kyang bde kye sgrol ma'i dbang / chos skyong che chung gi rjes gnang / thugs bskyed la sogs pa chos mang du gsan no/ /dgung lo bcu gcig pa la bla chen kun blo'i drung du dge bsnyen zhus/ dbu ma lugs kyi thugs bskyed/ bde kye yo ga gsum la sogs pa'i dbang / chos skyong che chung / tshogs bdag dmar chen/ dkar mo nyi zla'i rjes gnang la sogs pa du ma gsan no/ /de nas sngags mtshan nyid kyi gzhung lugs rgya mtsho'i pha rol tu son pa bla ma dpal ldan seng ge las tshad ma rnam 'grel la sogs pa'i mtshan nyid/ rdo rje phreng ba la sogs pa'i dbang byin rlabs/ lam 'bras la sogs pa'i khrid man ngag /rgyud 'bum la sogs pa'i lung / bla ma de la bzhugs pa phal che ba gsan zhing thugs su chud do/ /dgung lo bcu bdun pa la gangs can gyi mkhas grub thams cad kyis bsten pa'i 'dul ba 'dzin pa chen po/ jo gdan tshogs pa'i mkhan chen bsod nams grags pa dang / slob dpon mkhas mchog dpal ldan seng ge dang / grib tshod pa bla ma bzang po pas mdzad de rab tu byung nas bsod nams rgyal mtshan dpal bzang po zhes mtshan gsol/ dgung lo nyi shu pa la dge tshul gyis mkhan slob zhus pa'i mkhan slob rnams kyi dge slong gi mkhan slob kyang mdzad/ grib tshod pa bla ma don yod dpal ba dang / grogs ldan pa slob dpon grub rgyal ba la sogs pa dang