[A:402]'dod pa grub cing bsam pa tshim par mdzad pa gnas skabs dang mthar thug gi bde ba du ma la bkod do/ /dgung lo drug cu re bzhi pa la chos rdzong du bstan pa'i gsal byed dge ba'i bshes gnyen mang po la nga'i dbang bskur byed pa'i tha ma yin/ da lan shog gsungs nas dpal dus kyi 'khor lo'i dkyil 'khor du dbang bskur/ de'i tshe me tog gi char chen po bab/ mgur cham cig la brten nas sku khams cung zad ltem yang / yar lung du chos 'khor la gdan 'dren pa la/ chos rdzong nas 'jang gi gtsug lag khang du gzims/ song chu'i ko ba la byon pa'i tshe/ 'di rang nga'i ko ba'i tha ma yin nam gsungs/ 'on kyang rdor chag phebs pas rdo rings kyi rtsa nas gtsug lag khang la phyag grangs las 'das pa dpag tu med pa mdzad/ rdo rar chag phebs pa'i nub mo/ /khar sang 'jang du bsdad pa'i nub mo de so ma bsod gsungs/ de ci lags zhus pas/ de nub dbus kyi lha 'dre thams cad yin zer ba'i 'bag gyon pa dang / 'cham sku 'dra dang / sems can gyi rigs gzugs sna tshogs pa mang po zhig 'dus nas mdun du gral ka 'dra cig byas nas zhu ba bya rgyu yod pa yin zer/ de'i nang gi bud med cig la khyod kyis zhu ba gyis la 'di nas gzhan du mi 'byon par gsol ba thob zer ba'i snang ba cig byung / de rang chos rdzong gi gzhi bdag mo de yin pa'i rigs su 'dug gsungs/ 'o na da rung byon pa mi 'thad dam zhus pas/ da bsam yas su bsdad pas chog gi gsungs/ bsam yas su phebs nas zhi ba 'tsho'i dbu thod gdan drangs nas 'di 'o cag bod la bka' drin che ba yin gsungs nas de la nyin re bzhin sku khams kyis mi lcogs bzhin du/ phyag brgya rtsa dang / mchod pa rgya cher mdzad nas smon lam dpag tu med pa mdzad/ bsnyung ba'i tshe dga' ldan pa'i lha yin zer ba cig gis rin po che'i khri cig dang / sgrom bu cig khyer nas bla ma gdan 'dren pa yin zer ba'i snang ba cig byung gsungs/ bzhugs par gsol