[A:399]gcig gi tshe/ srod cig dge bshes 'dra dang chos kyi gsung gleng mdzad pa'i don tshigs bcad du drung nas mdzad bsnyel dgos nas mun nag la phyag yig mdzad/ mi nyag sher rgyal drung na yod pas/ drung nas phyag yig byang drags pas rgyus thog nas 'ong pa lags sam zhus pas/ 'am 'bu la 'od gsal gyi snang ba zla ba shar ba'i snang ba tsam cig rgyun du yod pas bris pa yin gsungs te/ sang bltas pas nyin par bris pa dang khyad mi 'dug pa dang / mngon par shes pa la sogs pa ci rigs pa mnga' zhing lung ston pa la sogs pa mnga' ste/ dge bshes cig chos rdzong nas gong dkar du 'gro ba cig gis phyag dbang dang sku khams zhus pas/ phyin pa legs par 'ongs lhag pa'i lha dang mjal bar 'dug gi ces gsungs pas/ g.yas ru la 'gro ba'i tshe ko ba'i nang nas yid dam dran par byas te gsol ba btab pas/ srin po ri ngos kyi nam mkha' la 'khor lo bde mchog zhal mthong / ting nge 'dzin dang rtogs pa bsam gyis mi khyab pa skyes pas chos rje nyid la rdo rje 'chang dngos kyi mos pa skyes zhes pa dang / rang rang so so'i snang ngor mang du gsungs shing / de dang de'i dus su la las ma go /yang dus phyis chos rjes gsungs pa de ma 'ongs pa mkhyen par shes pa yin/ yang chos rdzong du dbang bskur ba mdzad pa cig gi tshe/ dbang rdzas rdo dril rim pas gtad pa na bla ma legs pa bya ba phal pa cig yod pa de'i mdun du slebs tsa na/ drung gis phyag dril khyer shog gsungs nas gnang ste/ phyis gsang phu brag nag gi gdan sa byas pas gsang sngags kyi lag len la de bas 'gro don che ba med pa cig byung ba dang / bdag la yang gzhon dus khyod kyis khrid gnyer gyis shig gsungs pas phyis khrid 'dra 'debs dgos pa'i rten 'brel du go /sgom chos kyi gnad dang lag len mang du thos shing mthong bas sku drin che bar byung ba dang / gzhan yang / gsum pa phrin