[A:༤༦ན] ཀྱི་ཆོས་མང་དུ་གསན་ཅིང་། ཁྱད་པར་ཀ་ལཱ་པ་ལ་སོགས་པ་སྒྲའི་བསྟན་བཅོས་ཆ་ལག་དང་བཅས་པ་ལ་ཤིན་ཏུ་མཁས་པར་མཛད། ཞྭ་ལུ་བ་སློབ་དཔོན་རིན་པོ་ཆེ་ཡེ་ཤེས་རྒྱ་མཚོའི་དྲུང་དུ་རྣལ་འབྱོར་རྒྱུད་ཀྱི་བཤད་པ་ཕྱག་ལེན་ཆ་ལག་དང་བཅས་པ་ལ་མཁས་པར་མཛད། དུས་འཁོར་བ་དཔལ་དོན་གྲུབ་ཀུན་དགའི་དྲུང་དུ། དུས་ཀྱི་འཁོར་ལོའི་དབང་། རྒྱུད་འགྲེལ་གྱི་བཤད་པ། རྩིས་ཀྱི་ས་རིས་དང་བཅས་པ་ལ་མཁས་པར་མཛད། གྲྭ་སྟོན་རིག་པའི་རལ་གྲི་ཤེས་རབ་དཔལ་ལྡན་དང་། བྱམས་ཆེན་རབ་འབྱམས་པ་ཀུན་མཁྱེན་སངས་རྒྱས་འཕེལ་སོགས་ཀྱི་དྲུང་དུ་བཀའ་ཆེན་བཞིས་གཙོ་བྱས་པའི་ཕྱི་སྡེ་སྣོད་ཕྱོགས་ཀྱི་པོ་ཏི་རྣམས་ལ་མཁས་པར་མཛད། བཀའ་འགྱུར་བར་གྲགས་པ་སེམས་དཔའ་ཆེན་པོ་ཤཱཀྱ་རྒྱལ་མཚན་པའི་དྲུང་དུ་བཀའ་འགྱུར་བསྟན་འགྱུར་གྱི་ལུང་ཆེས་ཤིན་ཏུ་རྒྱ་ཆེ་བར་བཞུགས་པ་རྣམས་ཡོངས་སུ་རྫོགས་པར་གསན། དེ་ནས་དགུང་ལོ་སུམ་ཅུ་རྩ་གསུམ་པ་ཤིང་ཕོ་