[A:46a] kyi chos mang du gsan cing / khyad par ka lA pa la sogs pa sgra'i bstan bcos cha lag dang bcas pa la shin tu mkhas par mdzad/ zhwa lu ba slob dpon rin po che ye shes rgya mtsho'i drung du rnal 'byor rgyud kyi bshad pa phyag len cha lag dang bcas pa la mkhas par mdzad/ dus 'khor ba dpal don grub kun dga'i drung du/ dus kyi 'khor lo'i dbang / rgyud 'grel gyi bshad pa/ rtsis kyi sa ris dang bcas pa la mkhas par mdzad/ grwa ston rig pa'i ral gri shes rab dpal ldan dang / byams chen rab 'byams pa kun mkhyen sangs rgyas 'phel sogs kyi drung du bka' chen bzhis gtso byas pa'i phyi sde snod phyogs kyi po ti rnams la mkhas par mdzad/ bka' 'gyur bar grags pa sems dpa' chen po shAkya rgyal mtshan pa'i drung du bka' 'gyur bstan 'gyur gyi lung ches shin tu rgya che bar bzhugs pa rnams yongs su rdzogs par gsan/ de nas dgung lo sum cu rtsa gsum pa shing pho