[A:༡༧༩ན]རྗེ་ཉིད་ཀྱིས་སྐྱིད་གྲོང་དུ་བྱོན་ནས་དྲི་མ་མེད་པའི་རིགས་པས་ཕམ་པར་མཛད་དེ། བསྟན་པའི་སྒོར་བཅུག་པས་འཕགས་པའི་ཡུལ་ནའང་འཇམ་དབྱངས་དངོས་སུ་གྲགས་སོ། །དེ་དག་ནི་མཁྱེན་པའི་ཡོན་ཏན་ཡིན་ལ། བརྩེ་བའི་ཐུགས་རྗེ་ནི་ཧོར་གྱི་རྒྱལ་པོས་བོད་ཀྱི་ངོ་ལྟ་མ་འཇགས་པའི་སྐབས་སུ་དམག་དཔུང་མང་པོ་བརྫངས་ཏེ། མཐོང་ཚད་སོད་ཅིག་ཐོས་ཚད་འདར་བར་འགྱུར་རོ་ཞེས་པའི་ལུང་བུད་པ་རིམ་གྱིས་ལག་ལེན་ལ་བཀལ་བའི་གཏམ་ཐོས་པས། བོད་འབངས་ཐམས་ཅད་སེམས་ཁོང་དུ་ཆུད་པའི་སྐབས་སུ། ཐུགས་རྗེ་ཆེན་པོ་འཁྲུངས་ཏེ། དཀོན་མཆོག་ལ་གསོལ་བ་བཏབ་པས། དགུང་ལོ་བགྲེས་པོ་རེ་གཅིག་ཏུ་ཕེབས་པ་ན་ཧོར་གྱི་རྒྱལ་པོས་གདན་འདྲེན་བྱུང་བ་ན། བོད་འབངས་ཐུགས་ཀྱི་དཀྱིལ་དུ་བཅུག་པའི་བརྩེ་བ་ཆེན་པོ་དང་། རྗེ་བཙུན་ཆེན་པོས་ལུང་བསྟན་ཡོད་པ་བཀའ་བཞིན་སྒྲུབ་པའི་མོས་གུས་ཆེན་པོས་ཀུན་ནས་བླངས་ཏེ། སྐུ་