[A:179a]rje nyid kyis skyid grong du byon nas dri ma med pa'i rigs pas pham par mdzad de/ bstan pa'i sgor bcug pas 'phags pa'i yul na'ang 'jam dbyangs dngos su grags so/ /de dag ni mkhyen pa'i yon tan yin la/ brtse ba'i thugs rje ni hor gyi rgyal pos bod kyi ngo lta ma 'jags pa'i skabs su dmag dpung mang po brdzangs te/ mthong tshad sod cig thos tshad 'dar bar 'gyur ro zhes pa'i lung bud pa rim gyis lag len la bkal ba'i gtam thos pas/ bod 'bangs thams cad sems khong du chud pa'i skabs su/ thugs rje chen po 'khrungs te/ dkon mchog la gsol ba btab pas/ dgung lo bgres po re gcig tu phebs pa na hor gyi rgyal pos gdan 'dren byung ba na/ bod 'bangs thugs kyi dkyil du bcug pa'i brtse ba chen po dang / rje btsun chen pos lung bstan yod pa bka' bzhin sgrub pa'i mos gus chen pos kun nas blangs te/ sku