[A:37a] byung nas bstan pa skyong kyang srid/ dus tshod mar 'grib du song ba'i phyir/ de yang nga'i phrin las tsam mi 'byung/ ran tsam 'byung gsung/
lung stan
pa'i sku skye byon pa ni de ni legs pa yin la/ de yang rting ma sprul pa'i sku 'das nas ni/ gong lo bdun pa la/ dus gsum mkhyen par gyur pa na/ lha 'dre rnams la chos kyang bstan/ karma pa ru gyur pa na/ kla klo ma dad chos la rtsud/ rang byung rdo rjer gyur pa na/ phyi nang gsungs rabs kun la mkhas/ rol pa'i rdo rjer gyur pa'i tshe/ mngon shes thogs pa med pa yod/ de ni gshegs par gyur pa'i tshe/ chos dbyings ngang la g.yo ba med/ rgyal po chos la mdzud mi yin/ nga byis pa mgon po'i sprul pa yin/ bod khams kun gyi bdag po yin/ zhes zhal gyis gzhes pa'i sprul pa'i sku de gnyeis kyis thog drangs pa'i grub chen rnams dang/ dpal kun tu bzang po'i nags khrod du/ bka' rgyud pa rnams kyi gtsug gi nor bu/ rje spyan snga rin po bsod nams grags pa dang/ da la ba dang/ bsod nams bzang po dang/ bsod nams rgyal mtshan pa de/ rin po che rnam pa bzhis thog drangs pa'i/ skyes chen tshogs gnyis kyi 'brus la longs spyod pa rnams dang/ mkhas par grags pa dang/ bzang rtsun du grags pa dang/ bsgrub pa'i rgyal mtshan mdzugs pa rnams dang / thos pa lhur len pa dang/ bsgrub pa lhur len pa dang/ sa la dbang sgyur ba'i che bar grags pa byin gyis zhabs kyi padmo la 'dud par mdzad pa yin la/ yul gyi skal ba dang ldan pa dang skal ba dang mi ldan pa ni ma yin no/ sngon bcom ldan 'das ba ra na ser/ lo bcu gnyis gzhugs pa na/ sangs rgyas dang de'i nyan thos kyi gzugs brnyan tsam