[A:37b] yang mig gis ma mthong pa'i rgan mo yod par grags pa bzhin no/ sngon gyi dus nas rang gi sems kyi chos dam par ni gyis 'od gsal ba de nyid mngon sum du mdzad pa las/ bag chags dang bcas pa'i sgrib pa mtha' dag spangs shing/ sgyu ma dang/ rmi lam dang/ dri za'i grong khyer dang/ pra phab pa bzhin tu ma btags par/ phung po dang khams dang/ skye mched la sogs pa'i chos mngon sum du gzigs pa'i ye shes dang/ de'i mthus 'gro ba mtha' dag gi don du/ nam mkha' ji srid gnas kyi bar du rgyun mi 'chad par 'jug pa'i phrin las dang bstan pa yin no/ des na 'dzam gling skyong rgyal rgya nag rgyal po dang/ sprul pa'i chos rgyal bod rgyal rgyud par bcas/ khyod zhabs gus brten 'byor pa'i dpal gyis mchod/ che ba'i che mchog kun gyis btud la 'dud/ ces kyang bstod pa yin la/ shing pho spre'u'i lo la gong ma rgyal po'i 'bul chen byung pa nas bzung te/ sa mo byi lo'i bar/ lo lcags mal gyi lung dang gnang sbyin gyis gtsos pa'i 'bul chen dang/ rdzas dang dngos po phyag tu byung pa gang la'ang bdag tu 'dzin pa'i 'dzin pa spangs pas/ bsog 'jog gi nyes ltung phra mos kyang ma gos pa mdzad de/ gzhan la sngo'am/ dge phyogs la sbyor ram/ 'gro ba'i dmyigs tshel gsung ba sogs
mdzad
kyi che chung gang la'ang zhal 'jug dang/ rtsad gcod pa mi mnga' ba yin no/ mthar mya ngan las mda' kha ma'i tshe'ang/ nga la ni yongs su bzung ba'i rdul tsam yang med gsung skad de/ 'di ni shin tu bden no/ sku tshe 'di la mdzad pa mthar phyin nas/ zhing khams 'di nas zhing gzhan gshegs pa'i tshe/ dpa' bo mkha' 'gro'i tshogs kyis mngon bsu te/ bde ba can du 'byon