[A:36b] pa dpon slob kyis phebs pa bya ra bas ni ma mthong pa lan grangs mang du byung la/ bdag gral bskor byed dus kyang/ zhabs drung du ma sleb pa nas/ ja bsags sleb phral gzhung 'di dang 'di e byung gsung ba sogs dang/ gzims gur yol bas legs par g.yog pa na/ phyi nas phyag phul dus/ gzigs don med pa la 'dis sleb byung gsung ba sogs dang/ spyad pa ye ma rnyed pa na 'di skor la e 'dug ltos gsung ba dang/ phyag dpe phran tshegs dgos nas ma rnyed pa byung ba na/ 'di na 'dug gsung ba dang/ lkog tu spyod lam ci byas gzigs pa sogs yod de/ mngon par mkhyen pa mnga' ba'i tshul ni/ skyes mchog 'di nyiid kyi yon tan gyi cha phra mo tsam du bas pas yi ge mangs dogs ma bris pa lags/ 'gro ba'i mun sel thar pa'i lam ston pa'i/ sdom brtson mkhas grub mnyes pa kun gyi rje/ mi rjed gzungs thob stobs bcu'i stobs dang ldan/ rgyun du 'jug pa'i phrin las can la 'dud/ de'ang shes bya'i gnas thams cad la blo gros kyi snang pa phyogs med du rgyas pas/ 'gro ba mtha' dag gi blo'i ma rig pa'i mun pa sel ba/ mkhyen pa'i nam mkha' yangs pa la/ brtse ba'i nyi 'od shar te/ thugs rje'i 'od stong phyogs bcur 'phros pas/ thar pa'i lam po che gsal bar ston pa'i skyes chen dam pa/ sdom pa gsum la lhag par gnas nas/ rim gnyis kyi rnal 'byor la brtson pa'i don dbang gis/ mkhas shing bsgrub pa mnyes pa kun gyi rje yin te/ rje karma pa chen po'i zhal nas/ da lto lo brgya tsam na bram ze chen po'i sprul pa/ dus gsum mkhyen pa'i rnam sprul pa cha gcig