[A:2b] rgyas pa'i phyir/ sprul pa'i sku du mas rang rang gi skal ba dang 'tsham pa'i gdul bya rnams smin cing grol bar mdzad de/ 'khor dgra bcom pa dgu brgyas bskor nas mgon po ma pham pa rdo rje gdan du mngon par rdzogs par sangs ma rgyas pa de srid du mya ngan las mi 'da' bar nyan thos kyi cha lugs bzung nas thub pa'i bstan pa bskyong par yang bzhed la/ sangs rgyas dang byang chub sems dpa' rnams mngal du 'jug pa dang dmyal bar gshegs pa ni byis pa so so skye bo rnams kyis rnam par brtag par mi nus te/ dri med 'od las/ pha rol du phyin pa bcu bsgrubs pas/ sa bcu'i dbang phyug dbang bcu thob pa'i byang chub sems dpa' de dag gis kyang/ stong gsum gyi stong chen po'i 'jig rten gyi khams su sprul pa'i sku du ma dag gis byang chub sems dpa'i gdul bya rnams la byang chub sems dpa'i chos ston par byed de/ byang chub sems dpa' pa de lta bu ni du ma ma yin no/ de bzhin du sngon gyi smon lam gyi stobs kyis bsod nams dang ye shes kyi tshogs du ma rdzogs shing/ mi 'jigs pa la sogs pa dbang phyug gi yon tan phun gsum tshogs pa'i sangs rgyas bcom ldan 'das rnams ni/ sangs rgyas kyi zhing stong gsum gyi stong chen po'i 'jig rten gyi khams rnams su/ sgyu ma'i sprul pa'i sku dri ma bral ba mtha' yas
pa
dag gis/ sems can mtha' yas pa mtha' yas pa dag gis skad rigs mtha' yas pa mtha' yas pa dag gis gsol ba 'debs pa po snang ngo rnams kyis gsol ba 'debs pa na/ sems can gyi skad la rab tu 'jug pa thams cad mkhyen pa'i skad kyis 'jig rten dang 'jig rten las 'das pa'i chos rnams bston par mdzad de/ thams cad mkhyen pa ni du ma ma yin no/ zhes gsungs pa dang/ rdo rje gur las/ 'jig rten 'dul bar gyur byas nas/ 'di ni gzugs rnams du mar byed/ ri bong stag dang seng ge dang/ glang po rnams kyi rigs rnams su/ phyag rgya grub pa'i snying rje yis/ phan pa'i blo can rnams skye bo/ zhes gsungs pas/ sangs rgyas dang byang chub sems dpa' chen po rnams kyi/ thugs rje chen pos gdul bya rang rang gi blo dang 'tsham pa'i sku ru snang nas