[A:2a] thar dge bcu'i bang rim can/ 'dod dgu'i dpal 'byung rin chen zhing las grub/ dpal ldan bla ma'i rnam thar zur tsam bri/ ces dang/ lhun po dper byas pa ni/ smyon dor dang/ sgro btags ma yin pa/ yon tan ji ltar mnga' ba bzhin brjod par 'dod pa yin la/ de yang/ byi
sa
pa so so skye bo rnams kyi blo'i yul ma yin pas bdag gis brjod par mi nus na'ang/ dam pa de nyid kyi zhabs kyi pad mo yun ring du bsten cing gsung ngag la 'gris pa dang/ 'phral gyi kun spyod la dpags nas phyogs tsam cig brjod par bya'o/ zhes brtsam par dam bcas nas rnam thar dngos ni/ skal pa grangs med du ma'i sngon rol nas/ 'gro la thugs rje rgyas pa'i spyan yangs kyis/ lhums su 'jug dang gnas dang bstams pa'i tshe/ ngo mtshar khyad ldan chos rje'i zhabs la 'dud/ de yang 'di skad thos ste/ bdag cag snyigs ma'i dus kyi sems can rnams kyi 'dren pa dam par gyur pa/ chos kyi rje/ chos kyi rgyal po/ chos kyi 'byung gnas/ chos thams cad la dbang 'byor ba'i ded dpon/ don gyi slad du mtshan nas smos te/ gnyag phu pa bsod nams bzang po zhes grags pa de nyid/ sngon bskal pa dpag tu med pa'i gong rol du/ nam mkha'i mthas klas pa'i lus can rnams la zol med pa'i byang sems chen pos khyab par mdzad de/ bla na med pa'i bde ba
la dgod par bzhed pas byang chub mchog tu thugs bskyed cing / brtson pa chen pos bsod nams dang ye shes kyi tshogs rlabs po che bskrun nas/ 'jig rten gyi khams mtha' yas mu med par/ nyan thos dang/ rang rgyal dang/ byang chub sems dpa' dang/ sangs rgyas pa'i tshul la sogs pa gang la gang 'dul gyi rim pas/ 'gro ba ma lus pa la gang la gang 'tsham gyi legs lam ston bzhin pa las/ khyad par mi 'jed 'jig rten gyi khams 'dir/ rgyal ba'i phrin las phyogs bcur