[A:3a] 'khor ba ma stongs kyi bar du rgyun mi 'chad par sems can gyi don mdzad pa yin zhes mdo rgyud man ngag du ma nas gsungs pa bzhin/ 'dir bdag cag rnams kyi yongs 'dzin dam pa de ni/ 'phags pa ba gu la'i sprul par yang phal mo che bzhed la/ lho brag phyag rdor bas ni/ nA ro pa chung ba nas brgyud de/ sku skye lnga tsam paNDi ta 'ba' zhig tu sku 'khrungs/ sku skye 'dir yang theg chen gyi rigs sad/ gung lo'i tshad ni don gsum yin la/ mi gtsang ba dang grib la 'dzem dgos/ 'dir 'jal ba'i smon lam mi 'dug pas/ phyi ma bde ba can du 'jal ba'i smon lam 'debs/ ces pa'i zhu yig gcig phul 'dug/ gzhan paN chen zla ba mgon po yin par grags/ 'di rnams kyi rgyu mtshan 'og tu 'byung la/ 'khrungs pa'i yul ni/ gangs cang gtsang gi sron po do zhes bya ba/ 'phags pa spyan ras gzigs kyis byin gyis brlabs pa'i gnas/ sa gzhi byin chags shing/ dpa' bo dang mkha' 'gro ngang gis 'du ba'i gnas/ mkhas shieng grub pa brnyes pa du mas zhabs kyis bcags pa gcig yin skad/ yab ni thar pa bzang po zhes bya ba/ rus mi nyag thugs rgyud ting nge 'dzin gyis dge zhing/ gzhan phan 'ba' zhig sems pa/ tshong khe skyed la ngang gis 'dzems ste/ dge gnyen gyi sdom pa la ces spras mdzad pa gcig yin la/ yum ni dkon mchog dpal zhes bya ba/ bcu gcig zhal dang / don zhags kyi bsnyung gnas la thugs dam gyi 'thil mdzad/ thugs rgyud ting nge 'dzin gyis dul zhing/ 'jig rten gyi bya bzhag dang / klog la mkhas pa/ skabs re zho skrogs pa na dar ba'i nang mar gyis khengs pa dang/ chang sla re la rtsags tshad chang du yong pa rtsol le byung pas grong mi rnams/ 'di rang mkha' 'gro ma khyad par can gcig yin pa 'dra zer ba gcig yin 'dug pa'i lhums su zhugs pa na/ yum la phyogs bcu'i dpa' bo