[A:21b] pa la tha dad mchog dman du ston pa dang/ dus mnyam pa dang/ mi mtshungs pa la sogs pa'i 'gal bar snang ba rnams ni/ zab mo bsam gyis mi khyab pa'i ye shes la lta ba'i blo gros kyi mig dang bral ba rtog ges mngon par khengs pa'i byis pa rnams la te/ de ni legs pa'i ye shes thugs rje'i phrin bsam gyis mi khyab pa rnams la mos pa lam du byed pa dag ni/ 'di lta bu'i sprul pa bye ba phrag du ma la the tshom gyi blo 'jug par mi 'gyur ro/ de'i rgyu mtshan mdo dang rgyud sde/ bla ma rnams kyi gsung sgros rnam thar chen po rnams las gsal bar 'gyur mod kyi/ 'dir yi ge mangs pas ma bris la/ mdor dril na/ rje dus gsum mkhyen pa nyid ni/ rmi lam gyi sgo nas grub thob rtsod med du grags re/ sgam por chos thams cad rmi lam sgyu mar gzigs dus/ lha rje'i zhal nas khyod kyis mngon dga'i 'pho ba bgyis gsung/ karma pas kyeai'i rdo rje lha dgu'i dkyil 'khor nam mkha' la sgyu ma rtsam du sprul nas/ bla ma nyid kyang lha dgur sprul nas nam mkha' la gzhugs pa'i thugs kar thim pa byas/ lha mo rgyad kyang dza:zhes pas bdag la bsdus nas nam mkha' la yal bar byas pas/ bla ma lha rje dgyes nas mthun 'gyur gnang/ de la sogs pa'i sprul sgyur dang/ dus gsum gyi rnam pa mngon sum gzigs pas/ dus gsum mkhyen par yang grags/ stod lungs lha lung dgon par bzhugs dus/ rin po che'i zhal nas 'dang rgya gar gyi dur khrod gcig na/ rgya gar gyi rnal 'byor pa 'ga'i tshogs gral du phyin pa rmis gsung nas/ dus de dang mtshungs par las stod gtsug lag khang gcig na/ dge bshes gcig thang pa grub cing yod rtsam na/ de'i snang pa la/ atsarya ras rkyang gnod pa lag na thod pa thogs pa gsum dang/ bod kyi rnal 'byor pa ras rkyang gnod pa/ rkyang rjen lag na ra'i ber ma lcags thogs pa/ dung gi rna rgyan yod pa le drug bkla len pa'i tshad do gcig rang gcig byung/ de nas bod de dang/ dge bshes sla'e mang du byas/ khyod gang nas byon dris pas rdo rje gdan nas so/ kha che nas pu ra sa ltar lam byung gsung/ 'o na bya lo'i dus su grub thob