[A:21a] sprul bsod nams bzang po zhes/ 'jig rten dbang phyug rang gis mkhyen la 'dud/ de yang rje rin po che nyid kyis/ rnam thar chen po rnams kyi don bsdus na/ spyan ras gzigs dbang blo gros rin chen dang/ sa ra nA dang dharma kirti dang/ prad dzha a lang ka ra ka ma la/ karma bo dhi rgyal ba mchog dbyangs dang/ spo to ba dang dus gsum mkhyen pa dang/ karma pa shi rang byung rdo rje dang/ rol pa'i rdo rje de bzhin gshegs pa rnams/ skye ba rgyud mar byon pa'i sprul skur 'dud/ ces sogs kyi stod pa'i zhu tshig phul/ de dus rnam thar mthong ba'i tshe/ karma pa'i rnam par thar pa ni 'di 'dra te/ dpal ldan karma pa chen po'i zhal mnga' nas/ thugs rje chen po dang/ ming yongs su grags pa karma pa'i bar na/ rgyud pa yod kyang nyan med kyang nyan zhes dang/ thugs rje chen po'i sprul pa thod rgal bas 'gro don byed ces pa/ nga rang yin zhes sogs kyis thugs rje chen po nyid/ gdul bya'i phyir du sna tshogs su sprul bar ches shin tu gsal la/ sngon rgyal po gso sbyin du gyur pa'i tshe rgyal ba rin chen gtsug gtor can gyi drung smon lam ji ltar btab pa bzhin/ ma 'ongs pa'i dus su 'khor los sgyur ba'i rgyal por yongs su gyur nas/ mgon po byams pa'i bstan pa la byang chub kyi spyad pa spyod par mdzad cing/ slar yang rgyal po seng ger gyur pa'i tshul dang/ dga' ldan na lha'i lo khri phrag gi bar du gnas pa'i byang chub sems dpar mdzad de gzhugs pa dang/ gling gzhan na 'khor los sgyur ba'i rgyal po padma rnam par rol pa zhes bya bar sprul ste sems can gyi don mdzad pa dang/ inDa bo dhi sa ra nA/ padma 'byung gnas ka ma la shri la sogs pa dang/ ngo bo gcig par rgyu mtshan du ma'i sgo nas gsung la/ bdag nyid ngo bo gcig