[A:22a] mang po byon pa yin zer ba/ khyed dang 'ga' re 'jal lam zhus pas/ 'di gsung/ de dus lho phyogs dza lan dha ra'i grong khyer na rgyal po zla ba rnam par mnon pa zhes pa bya ba/ ha ha sgrog pa'i dur khrod du tshogs 'khor byas/ grub thob mngon shes dang rdzu 'phrul mnga' ba rnams pa gsol ba btab pas/ rgya gar gyi grub thob bzhi dang /bod kyi gnyis te mi tra dzo kI na ro drug byon zer/ rgya gar gyi su lags dris pas/ inDa bo dhi/ dza lan dha ra/ nag po spyod pa/ shing lo pa dang bzhi'o/ bod gnyis ni dharma kirti dang / dharma shi la yin gsung/ de gnyis gang lags zhus pas/ chos kyi tshul khrims ni 'chi ba med pa'i gdams ngag yod/ mnga' ris na lha khang gcig la brten nas sems can gyi don mdzad/ shri dharma kirti ni bod skad du dpal chos kyi grags pa bya ba/ lam rtsa rlung la bsten nas phyag rgya chen po gcig chod kyi gdams pa yod de/ bod yul smad na bzhugs/ yongs su grags pa'i mtshan bla ma dbu se bya ba yin gsung nas/ lung bstan pa bzhin dbus la dge bshes kyis byon/ rin po che pa'i drung du phebs/ dpon grags seng bya ba'i khyim du tshogs 'khor la spyan drangs/ sngar gyi lo rgyus rnams zhus pas/ zhal nas a tsa ra gsum po de/ inDa bo dhi bar pa dang/ shing lo pa dang/ nag po spyod pa gsum yin/ khyod la gdams ngag bshad mi de nga yin/ gdams ngag de/ rnam bzhi rgyud grol byin rlabs nus 'don bya ba/ inDa bo dhi la zhus pa yin/ tshogs 'khor gyi tshogs dpon ni nag po spyod pa yin gsung ba sogs bsam gyis mi khyab pa'i rnam thar mnga' ba de'i sku'i skye ba ni/ rje karma pa nyid yin la/ de yang gya pa gangs pas stod lungs 'tshur phur/ dpal 'bri khung thel pa la/ ber gcig rta rgod ma gcig gi 'bul zan blangs nas phul/ des rten 'brel cung zad 'phyugs