[A:433]nas bzung ste/ thun bzhi'i rnal 'byor mchog la nyi ma gcig kyang mi g.yel ba'i sgrub pa dang/ dad pa dang blo gros mchog tu gyur pa'i slob ma mang po la dbang dang/ lung bshad mtha' yas pa'i sgo nas/ kun gyis bkur bar 'os pa'i bshes gnyen chen po'i go 'phang brnyes pa'i skabs der/ rang lo lnga bcu pa lcags mo glang gi lo la/ sa skyong chen po don yod rdo rje dpon blon/ sde pa mang po'i tshogs dang bcas pa/ shrI nA lentra'i chos grwa chen por byin rlabs zhu ba dang/ rnam gzhag rgya chen po sgrub pa la phebs pa'i dus dang/ gnas skabs rten 'brel bsgrigs/ sde dgon pa mtha' dag bka' bgros rtse gcig pa nyid du gyur nas/ rje thams cad mkhyen pa'i chos kyi gdan seng ge'i khri la spyan drangs te/ mi che dgu mtha' dag tshogs/ rnam gzhag gser ri'i phreng ba ltar bsgrigs shing spungs nas/ bla ma brgyud pa dang/ rgyal ba sras dang bcas pa spyan drangs pa'i me tog gi phreng bas mngon par dbang bskur ba nyid du mdzad do//
'di ni phrag dog sprin tshogs las//
rnam grol nyi ma gsal po ni//
zhe sdang sgra gcan kha rlangs kyis//
ma sgribs zla ba ji bzhin du//
lung mang gsan pa rgya che ba//
de nas kyang ni gzhung mang la//
bslab sbyangs mthar phyin dben par ni//
rtse gcig sgrub pa de ya mtshan//
de ltar mang du gsan pa dang/ tshul bzhin du blangs pa dang/ rnal 'byor mchog la goms pa phyul du phyin pa'i stobs kyis/ chen po'i go 'phangs ji ltar brnyes pa'i tshul brjod zin nas/
2
gnyis pa 2.1
mdo sngags kyis chos ji ltar gsungs pa dang/ 2.2
de'i mthu las bstan pa dang sems can gyi don rgya chen po ji ltar byung ba'i tshul dang/ 2.3
brgyud 'dzin gyi bu slob ji ltar byung nas bstan pa yun ring du