[A:434]gnas pa'i mthu grub pa'i tshul rnams brjod par bya ba las/
2.1
dang po ni/ gdan sa chen po de'i khri thog tu phebs nas/ dbyar dgun gyi chos dus gnyis po la/ mtshan nyid theg pa dang 'brel ba'i chos kyi nyan bshad mi nub cing gong 'phel gyi rgyun la phan par gyur cig pa'i dgongs pa nye bar bzhag nas/ mngon par rtogs pa'i rgyan rtsa 'grel/ rnam bshad tshig don rab tu gsal ba'i grwa ma nyams pa tshar re/ chos dus gnyis la rdzogs par gsung ba dang/ tshad ma rnam 'grel dang/ rigs gter sngar gsan sbyong mdzad pa'i rnam bshad kyi steng nas ci grub re gsung ba dang/ thub pa dgongs gsal/ phar phyin gyi khrid yig/ 'dul ba mdo rtsa ba rnams kyi le'u so so nas ji ltar 'tshams pa re gsung bar mdzad do//
gdan sa ji tsam mdzad pa'i ston dpyid kyi chos la gsung ngag rin po che tshar re cis kyang ma chag par gsung ba'i stengs su/ res 'ga' rdo rje phreng ba dang/ sgrub thabs brgyargya rtsa dang/ rgya mtsho dang/ yo ga rdo ra dbyings dang/ dus kyi 'khor lo'i dbang chen dang/ bde mchog mkha' 'gro rgya mtsho sogs dbang bskur rgya che ba dang/ bde dges gsang gsum la sogs pa'i rab tu zab pa mang po slob ma'i grangs nges pa can la re mos kyis bskur bar mdzad pa dang/ skabs gzhan du gsang ba 'dus pa dang/ 'khor lo bde mchog gi rim pa lnga pa dang/ rnal 'byor yan lag drug pa dang/ lam bskor phyi ma kha cig dang/ nA ro dang nI gu'i chos drug dang/ gzhan yang blo sbyong dang/ khrid phran so so ba mang po dag/ don gnyer ba so so'i 'dod pa dang 'thun par/ dpe mkhyud mes pa nyid du sbyin par mdzad pas na/ dam pa'i chos sbyin par mdzad pa'i slob ma'i tshogs yid bzhin gyi rgya mtsho bzhin du gang bar gyur to//
gzhan yang lung gi