[A:430]thugs bzhed yod pa rnams gsan na legs gsung pa phebs/ ji ltar bka' gnang ba bzhin/ gdan sa'i gnas mjal/ bdag po gzhi thog pa'i drung du chos gsan pa sogs mdzad nas/ mus bde ba can du thegs bde dgyes gsang gsum dang 'brel pa'i dbang lung man ngag gsan pa rgya che zhing thugs dam 'phel bar bzhugs pa'i skabs su/ e waM du byi ba lo hor zla bzhi pa'i nang der/ rje rin po che bde ba can du gshegs pa'i dgongs pa mngon du mdzad nas/ sems dpa' chen po gdan sar spyan 'dren byung pa dang dpon slob chabs cig par e waM du phebs/ der yang gsung chos kyi bzhed pa rnams re shig grub par mdzad nas/ rtse tshan du mkhan chen dkon mchog bzang po'i drung du/ rnal 'byor yan lag drug pa'i nyams khrid ngo sprod cha lag rnams rdzogs par gsan/ byi lo de nyid kyi ston glang ri thang du phebs/ lo grangs du ma'i bar du chos sde de nyid dang/ dben gnas so sor bshad sgrub spel mar mdzad/ phrin las dar zhing rgyas/ de nas rang lo so gcig pa chu pho rta'i lo la/ rje kun dga'i mtshan can dang/ sku mched gnyis kas sngar ma gsan pa'i chos gsan pa dang/ gsan zin gyi chos rnams la rtogs pa gong 'phel gyi sgro 'dogs gcod pa dang/ gtso bor nyams myong gi rtogs pa gong 'phel la dgongs nas/ rje sems dpa' chen po'i drung du skyod/ lo gcig lhag tsam gdan chags/ slar e waM du phebs/ 'jam dbyangs shes rab rgya mtsho la rgyud gsum gyi bshad pa rgyas pa sogs gsung chos mang du gsan/ spre'u lo la 'phan yul du phebs nas/ bshad bsgrub sogs rnam dkar gyi mdzad pa la bar chad med par byung/ yang rang lo so bdun pa byi ba'i lo la rjes mus pa chen po la dad pa'i shugs dang/ sngar ma gsan pa'i chos 'ga' zhig gi bzhed pa dang/ gtso bor ni thugs g.yeng