[A:429]char chen po babs pas ltas dang rten 'brel bzang par gyur/ de skabs nas bzung ste/ lo grangs bzhi bcu tham pa'i bar la gdan sa mdzad/ dgon pa'i dar rgyas sngar las sum 'gyur gyis che/ mdo sngags kyi bshad nyan shin tu dar/ rten gsum bzhengs pa dang/ gtsug lag khang rnam pa gsum bzhengs pa sogs phyag rjes shin tu mang po mdzad/ de skabs shig tu/ rgyal lha khang gi gdan sa lo gsum mdzad/ chos grwa de'i sgrigs dang rnam par bzhag pa/ rnam thar dang tshugs/ sgrub mchod/ dbyar dgun gyi dus chos dang/ chos gzhi bteg pa rnams kyi skabs su phar phyin rtsa 'grel rgyal 'gros kyi stengs nas ma chag par tshar re gsungs pa dang/ rigs grwa dang lung grwa'i sgrigs 'cha' ba la thugs rtsol shin tu che bar mdzad do//
skabs der zho lung mtsho kha'i bsgom grwa phyag tu byung pa dang/ gdan sa gnyis ka gcung yon tan rgyal mtshan pa la gtad/ rang lo nyer bzhi pa shing mo phag gi lo la/ rje ngor pa chen po'i kun spyod kyi rnam par thar pa dang/ phrin las kyi rnam par dkar bas thugs rab tu phrogs te/ dpal e waM chos ldan gyi dgon par hor zla bdun pa la phebs/ lo dus kyi gsung ngag sgang yol tsam du song yang/ spyan snga ba gsar du phebs pa'i dpon slob rang la gsung ngag gsar du 'dzugs/ da bzod kyi gsung ngag la sgugs bzhugs mdzad/ de bar la chos gzhan gsan pas khyab gsung bar 'dug kyang/ da bzod kyi lo la 'gal rkyen ci 'ong mi shes gsung nas/ gsung ngag btsugs/ hor zla bcu pa la gzhung bshad gnang zin tsam gyis dus su/ rje rin po che spyan rab rib tu gyur pa dang/ sku mtshams dam du bsdams/ spyan snga ba 'dir re shig la chos mang po 'chad dka' bar 'dug pas/ slob dpon dkon rgyal ba la 'di pa'i chos lugs