[A:428]gyi ring la nA lentra nyid du mdzad/ rje thams cad mkhyen pa'i drung du rgyan rtsa 'grel/ bshes spring/ dbu ma rigs tshogs tshad ma rigs gter la sogs pa'i gzhung chos mang po dang/ phar phyin khrid yig zhi byed/ nI gu la sogs pa'i khrid phran dang/ mi g.yo ba dar po'i rjes gnangsnang / 'bum Tika chung ba sogs bka' 'bum rnams kyi lung gsan/ lung ra chen po'i sgrigs su len 'debs mdzad/ chos rje bkra shis rnam rgyal ba la tshad ma rnam 'grel gyi gzhung Tika tshar gsum byang chub par mdzad/ rtags rigs sogs kyi zin thun thugs la bzung/ rigs grwa'i khrod du 'jug pa la nyams nga ba dang bag tshab med pa mdzad/ gzhan yang bla med kyi dbang bskur mang po dang/ rdor dbyings dang/ chos dbyings gsung gi dbang phyug sogs yo ga'i dbang bskur kha cig gsan/ mtshan nyid la thug sbyong mdzad pa'i bar skabs rnams su/ 'od gsal rtser spyan snga rin po che'i drung du/ dgyes pa rdo rje'i dbang dang/ sgrub thabs rgya mtsho dang/ chos skyong che chung gi rjes gnang sogs/ gang la gang 'tshams rin po che nyid kyis dgongs pas dpyad nas gnang zhing gsan/ rang lo bcu gsum pa tshun chad du/ spyan snga phun tshogs pa'i drung du nyin re bzhin phar tshad bsdus gsum gyi bgro'gro gleng zhu/ sa sde lnga dang/ bka' gdams gzhung drug la sogs pa'i lung dgongs pas dpyad nas gnang ba ltar gsan/ rang lo bcu drug bcu bdun pa la glang ri thang du dbyar dgun gyi dus chos gsungs/ bco brgyad pa la glang ri thang gi khri thog tu phebs/ chos rje bkras rnam pas khri ston gyi mang ka dang rnam gzhag rgyas pa mdzad/ bstod bskur bsngags gsum gyi snyan ngags kyi tshigs su bcad pa bsgrags pa'i tshe/ nam mkha' dngas par yod kyang/ de ma thag tu sprin bsdus/ 'brug sgra phyogs bcur gsal ba dang/