[A:434]གནས་པའི་མཐུ་གྲུབ་པའི་ཚུལ་རྣམས་བརྗོད་པར་བྱ་བ་ལས།
2.1
དང་པོ་ནི། གདན་ས་ཆེན་པོ་དེའི་ཁྲི་ཐོག་ཏུ་ཕེབས་ནས། དབྱར་དགུན་གྱི་ཆོས་དུས་གཉིས་པོ་ལ། མཚན་ཉིད་ཐེག་པ་དང་འབྲེལ་བའི་ཆོས་ཀྱི་ཉན་བཤད་མི་ནུབ་ཅིང་གོང་འཕེལ་གྱི་རྒྱུན་ལ་ཕན་པར་གྱུར་ཅིག་པའི་དགོངས་པ་ཉེ་བར་བཞག་ནས། མངོན་པར་རྟོགས་པའི་རྒྱན་རྩ་འགྲེལ། རྣམ་བཤད་ཚིག་དོན་རབ་ཏུ་གསལ་བའི་གྲྭ་མ་ཉམས་པ་ཚར་རེ། ཆོས་དུས་གཉིས་ལ་རྫོགས་པར་གསུང་བ་དང། ཚད་མ་རྣམ་འགྲེལ་དང། རིགས་གཏེར་སྔར་གསན་སྦྱོང་མཛད་པའི་རྣམ་བཤད་ཀྱི་སྟེང་ནས་ཅི་གྲུབ་རེ་གསུང་བ་དང། ཐུབ་པ་དགོངས་གསལ། ཕར་ཕྱིན་གྱི་ཁྲིད་ཡིག། འདུལ་བ་མདོ་རྩ་བ་རྣམས་ཀྱི་ལེའུ་སོ་སོ་ནས་ཇི་ལྟར་འཚམས་པ་རེ་གསུང་བར་མཛད་དོ༎
གདན་ས་ཇི་ཙམ་མཛད་པའི་སྟོན་དཔྱིད་ཀྱི་ཆོས་ལ་གསུང་ངག་རིན་པོ་ཆེ་ཚར་རེ་ཅིས་ཀྱང་མ་ཆག་པར་གསུང་བའི་སྟེངས་སུ། རེས་འགའ་རྡོ་རྗེ་ཕྲེང་བ་དང། སྒྲུབ་ཐབས་བརྒྱརྒྱ་རྩ་དང། རྒྱ་མཚོ་དང། ཡོ་ག་རྡོ་ར་དབྱིངས་དང། དུས་ཀྱི་འཁོར་ལོའི་དབང་ཆེན་དང། བདེ་མཆོག་མཁའ་འགྲོ་རྒྱ་མཚོ་སོགས་དབང་བསྐུར་རྒྱ་ཆེ་བ་དང། བདེ་དགེས་གསང་གསུམ་ལ་སོགས་པའི་རབ་ཏུ་ཟབ་པ་མང་པོ་སློབ་མའི་གྲངས་ངེས་པ་ཅན་ལ་རེ་མོས་ཀྱིས་བསྐུར་བར་མཛད་པ་དང། སྐབས་གཞན་དུ་གསང་བ་འདུས་པ་དང། འཁོར་ལོ་བདེ་མཆོག་གི་རིམ་པ་ལྔ་པ་དང། རྣལ་འབྱོར་ཡན་ལག་དྲུག་པ་དང། ལམ་བསྐོར་ཕྱི་མ་ཁ་ཅིག་དང། ནཱ་རོ་དང་ནཱི་གུའི་ཆོས་དྲུག་དང། གཞན་ཡང་བློ་སྦྱོང་དང། ཁྲིད་ཕྲན་སོ་སོ་བ་མང་པོ་དག། དོན་གཉེར་བ་སོ་སོའི་འདོད་པ་དང་འཐུན་པར། དཔེ་མཁྱུད་མེས་པ་ཉིད་དུ་སྦྱིན་པར་མཛད་པས་ན། དམ་པའི་ཆོས་སྦྱིན་པར་མཛད་པའི་སློབ་མའི་ཚོགས་ཡིད་བཞིན་གྱི་རྒྱ་མཚོ་བཞིན་དུ་གང་བར་གྱུར་ཏོ༎
གཞན་ཡང་ལུང་གི་