[A:418]bsnyen par rdzogs pa dang/ sems bskyed kyi cho ga'i srol gnyis la brten nas/ byang chub kyi mchog tu sems bskyed pa dang/ mdo rgyud bstan bcos bla ma so so'i gsung 'bum gyi lung tsam nyan pa ni bgrangs ba las 'das shing/ de dag gis kyang rang rang so so'i gnas su blo nus dang 'tshams par sdom rgyud dang lung rgyun 'dzin pa ni mngon sum dang lkog tu gyur par shin tu mang po dag yod par nges shing/ rgyu dus kyi dbang gi cho gas yongs su smin par gyur nas/ khrid phran so so ba dag gi brgyud pa 'dzin pa lta ci smos/ gsung ngag rin po che tshar de tsam zhig gsungs pa la'ang/ slob ma'i grangs ni phal cher brgya tsam las lhag par nges pa la gsungs shing/ nyan pa po de dag gis/ bod dang bod chen gyi yul khams so so ba rnams su/ ma mtha' thun bzhi tshun chad kyi rnal 'byor la brtson par byed cing/ rang rang gi blo nus dang phan sems dang 'tshams par/ slob ma dang nying slob tu gyur pa dag la brgyud pa 'dzin du 'jug par nges pas so//
dper na dbus gtsang gi dgon phran so so ba'i bla ma dang/ bshad nyan pa dang/ dbon po dang/ yid rab tu gzhungs pa gzhan yang mang po dag lta ci smos/ shrI nA lentra rkyang pa'i nyan bshad pa dus der gsung ngag gsan pa rnams kyis deng sang yang gsung ngag gi brgyud pa bzung zhing/ zla dus kyi mchod pa 'bul bar mngon sum gyis grub pa bzhin no//
3.3
de nas mthar phyin pa'i dus kyi mdzad pa la/ 3.3.1
ngo mtshar can dngos dang/ 3.3.2
rjes kyi mdzad pa rnams ji ltar grub pa'o//
3.3.1
dang po ni/ slar yang chos rje gung ru gshegs rjes su/ shrI nA lentra'i gtsug lag khang gi khyams chen por gsung ngag rin po che yongs su rdzogs par gsungs pa grub pa'i nyin/ mchod gtor rgya chen po bshams/ tshogs pa la dga' ston dang rnam bzhag mdzad/ me tog gi char chen po babs/ bka' zhal