[A:417]spyod char bzhin du bab pa rnams/ spyir bla ma dang dkon mchog gi mchod pa/ chos 'brel zhus pa rnams la zla dus kyi mchod 'bul/ bstan pa'i gsal byed du gyur pa'i 'chad nyan pa rnams la gnang sbyin/ blo gsal ba'i don gnyer ba rnams la bsngo bgrangs du ma phyag len mdzad cing/ khyad par du bcu bzhi'i dus chen sngar srol las rgya dpangs bstod pa dang bde dgyes gsang gsum gyi dkyil 'khor bzhengs nas/ gsang sngags 'dzin pa brgya lhag tsam gyis bsgrub mchod/ zhag sbrel du mdzad pa sogs kyi srol tshugs par mdzad do//
gdan sa der gdan chags ring la dus bde zhing/ 'khrug pa med/ grwa rgyun dang longs spyod kyi tshogs rgyas shing/ dam pa'i chos 'phel bar mdzad/ 'brug gi lo vc: 1472la chos rje gung ru ba'i phyag tu gdan sa gtad/ gzims khang na sngar med kyi thab chas dang gdan cha sogs/ gdan sa na rim gyis rgyun la phan pa'i dgongs pa mdzad/ de nas kyang lo lnga'i bar du bshad bsgrub spel mar mdzad de/ mdor na gsung ngag rin po che rkyang pa'ang tshar nyi shu rtsa gsum tsam gsungs par grags so//
3.2
gnyis pa rgyud 'dzin gyi slob ma ji ltar byung ba ni/ gong du ji skad smos pa de ltar chos kyi rnam grangs gsungs pa rnams nyan nas rang gi rgyud smin par byas pa'i slob ma 'jig rten phal ba grangs las 'das pa rnams lta ci smos/ rgyal ba'i bstan pa la legs par rab tu byung nas/ lta bas bkar btags pa bzhi dang/ spyod pas bkar btags pas rgyud yongs su smin par byas pa'i slob ma ni 'bum phrag gi grangs las kyang brgal bar mngon te/ thog ma rgyal lha khang gi mkhan por phebs pa nas bzung nas/ dgongs pa yongs su rdzogs pa de srid kyi bar la bsgrub bya gzhan dag/ dge bsnyen dang/ bsnyen gnas dang/ rab tu byung ba dang/ dge tshul dang/