[A:387]sdom pa dang/ rab tu byung ba'i rtags yang dag par 'dzin pa'i rab byung rnam par dag pa mnos te/ gzhon nu blo gros zhes grags pa'i gdugs dkar phyogs thams cad du gsal bar mdzad do//
de nas mkhan chen de nyid kyis/ kun mkhyen chen po'i dngos kyi gdan sa pa rin po che bsod nams seng ge zhes lha dang bcas pa'i gtsug rgyan de nyid la gtad de/ bslab pa'i gzhi bcu la slob pa'i dge tshul nyid du bsgrubs pa yin no//
de yang sngon nas goms pa'i dbang gis 'bad rtsol med par bag yod kyi gzhi la phyogs mthun gyi nyes pa phra mos kyang ma gos par mdzad de/ snga shol dang bcas pa'i dgung lo nyi shu pa la/ mkhan po chen po rnal 'byor byang chub seng ge'i gdan sa na bzhugs pa mkhas shing brtan pa'i yon tan ldan pa'i mkhan chen dgung gsher ba kun dga' rgyal po'i drung du mkhan po zhus/ rigs pa dang grol bar smra ba'i dmar ston dpal ldan rin chen zhes grags pa'i rgyal mtshan srid rtse'i bar du bsgreng ba la mkhas pa des las kyi slob dpon mdzad/ 'dul mngon rgya mtsho'i mthar son slob dpon shAkya rin chen pas gsangs te ston pa mdzad do//
chos gsum ldan gyi dge 'dun las mngon du gyur pa'i chos bcus bsnyen par rdzogs pa dge slong gi dngos po rnam par dag pa thugs rgyud la bskrun pa yin no//
nyin mor byed pa'i dkyil 'khor la//
ri bong gzugs kyis gos pa med//
khyod thugs chu shel dag pa la//
nyes pa'i tsha zer ga la mnga'//
de nas dpal gro sa'i chos sde chen por gnas kyi slob dpon/ dmar stonbston chos rje'i drung du/ lo bcu lhag gi bar du gnas dang gnas pa'i tshul khrims mtha' dag la gnas shing dran pa dang shes bzhin la sogs pa'i nang gi nyer len phun sum tshogs pa la brten te/ 'dod pa bsod nyams kyi