[A:4]bshad sgrub brtson pa'i byi dor legs bsgrubs pas//
sgrib bral chos sku'i rang 'od 'bar ba can//
gang la gang 'dod chos kyi char chen gyis//
gdul bya'i re ba ma lus yongs su gang//
de slad nor bu'i khyim du tshong pa'i blo//
'gag pa med pa rab tu 'jug pa'i tshul//
mkhas btsun bzang po'i rang bzhin las 'ongs pa'i//
sku gsung thugs kyi legs byas gtam du gleng// //
gang yang bde bar gshegs pa'i ring lugs pa chen po/ rang dang gzhan gyi grub pa'i mtha' rgya mtsho'i pha rol tu son pa/ yongs rdzogs gnas lnga mkhyen pa'i paNDi ta/ shAkya mchog ldan dri med legs pa'i blo gros kyi rnam par thar pa'i tshul la// gleng bslang sngon byung gi rnam par thar pa'i nges gsang mdo tsam zhig smos pa yang 'di lta ste/
dbus 'gyur tshal na gang yang mtshan bzhag pa//
rta dbyangs zhes grags snyan ngag mkhas pa'i mchog//
dbyangs can yid kyi mdza' bo dregs ldan des//
rgyal ba'i mdzad pa'i phreng ba rgya cher spel//
snying rje'i nyams brgyas rol pa'i rgyal sras kyis//
'gro la phan phyir rang gi lus srog kyang//
phangs pa med par gzhan la sbyin pa'i gtam//
thos tshe yid kyi spu long 'bad med g.yo//
thub pa'i gsung rab sdebs legs snyan ngag gang//
smra mkhas dpa' bos rjes su bskul ba na//
thos pas rab dga' dad pa'i yid mgu ba//
thar pa'i sa bon srid mtha'i bar du bskrun//
de yang 'di skabs rnam thar rdor rgyal ma las/ bcom ldan 'das kyis 'jam dpal rtsa ba'i rgyud las/ pha khol lung bstan pa'i skabs su/ bdag nyid chen po 'di nyid kyi yang mtshan gyi cha mtshon tshul dang/ yang mdo las/ ston pas gdul bya rta dbyangs 'dul byed Arya de ba rnams kyi nges gnas gsal po gsungs tshul/ de dag gi lo rgyus mtha' bcad rnams kyang ji lta bar bris shing/ yang rgyal bas rnga bo che'i mdor/ kun mkhyen dol bu