[A:27]'dzer bag shin tu che ba byung ba'i gnang bkag la brten nas/ se ra tshor gung ru ba rgyal mtshan bzang po las dpyid chos shig la/ dbu ma tshig gsal gyi gzhung chos rgyas pa gsan zhing/ khong gi gsung las dgag bya bkag shul gyi 'dzin stangs sbyor ba 'di mkhas grub dge legs pa rang gis rtsal bshad byas pa'i kha 'dzin ri bo dge ldan pa'i char gtogs yongs kyis sgrog par snang/ rje rin po che dang/ bla ma rje btsun red mda' pa gnyis dgag bya'i ngos 'dzin phra zhib dpyod tshul bag tsam rtsing zhib las/ mnyam gzhag la 'jog tshul 'dra/ lar rang mdo sdud par/ rtsa dang shing las me byung bas ni de nyid sreg// ces shing dgra me/ me dgra shing yin zhing/ shing sreg pa la me dgos/ me sbor ba la shing dgos/ shing zad mthar me 'chi/ phan tshun me na mi 'byung gis/ bltos chos rten 'brel yin dngos su gsung las thos gsung/ phyis gung ru bas mdzad pa'i dbu ma'i dpe zhig spyan lam 'byor ba la yang de nyid kho na bris gnang ngo//
zhes paN chen dngos kyis snar thang ka bzhi bgrags pa shes rab tshul khrims phyis mga' ris kyi pu rangs rgyal byed tshal gyi chos dpon gnang ba de la gsungs pa'i ngag rgyun drung btsun bzang po brtan ba las so//
yang lo de'i dbyar chos stengs su/ tshal chos 'khor gling du yang sne pa'i thugs 'dzin khrid phyogs kho na'i dbang gis/ gsang mda' chos rgyal bar grags pa chen po chos rje rnam rgyal ba'i drung du/ rje rin po cheschas mdzad pa'i rtsa 'jug gi TI ka so so'i gzhung chos smin par gsan pas/ sngon chos kyi grags pas zhang po gzhon nu mang len las phyogs glang gi nges tshig dang/ gzhan sde'i gsang tshig longs pa ji lta bar phyis byung/ de nyid la sbyangs par rloms pa dag gi rna ba'i spyod yul du ma gyur pa'i gsal ba'i ngag rgyun ma lus nye bar thugs su chud nas/ gzhan