[A:228]bsgrubs pa'i ston pa 'jam dbyangs/ byams pa rnams kyi bar sku stong rwa re btab pa yang sku gdung gi mthar gser dngul gyi na bza' dang bcas pa bzhugs shing/ gzhan gzungs dang/ sangs rgyas kyi ring srel sogs nang bzhugs dpag tu med pa dang/ sngar bka'i rjes gnang mdzad pa'i lugs ltar rten li ma khyad par 'phags pa dag kyang bkra shis sgo mangs kyi sgo so so ba dag tu bkod cing/ lhag par bal po ma Ni pA las bal po nyid nas bsgrubs te/ spyan ras gzigs bcu gcig zhal phyag stong dang lhan cig phul ba'i bde mchog zhal bzhi phyag bcu gnyis pa bal 'bum sde na legs grags chod pa de dngul gdung gi bum sgo'i thad che chung gi sgor bzhugs su gsol/ der thugs sras zhal slob rnams kyis rab gnas brtan bzhugs kyang phul/ sa skyong chen po mi'i dbang po khu dbon blon 'bangs dang bcas pas kyang bkra shis dga' ston rgya cher spel zhes yongs su grags so//
gang gi 'phrin las srid pa ji srid pa//
mi nyams lhag par spel ba'i phan dgongs can//
paN chen zhal las gdams pa'i chab rgyun gyis//
yongs smin khyod thugs rjes sprul 'phags pa'i tshogs//
gting skyes pa
kun dga' rgyal mtshan chos kyi khri la bzhugs//
brag dmar ba
kun dga' tshe 'phel zab chos 'khor lo bsgyur//
glo bo pa
blo gros rgyal mtshan chos kyi rje bo'i tshul//
gu ge pa
rnam rgyal dpal bzang cho rigs btsun pa'i ngang//
mi nyag
chos grags dpal bzang che dgu'i gtsug na mtho//
tshal pa
rin chen rgyal mtshan mkhas btsun bzang por grags//
phra phu ba
sangs rgyas bzang po rigs pa smra ba'i mchog//
khang gsar grwa tshang gi
mkhas pa mgar tsha phyogs kyi blo gsal skyong//
slob dpon la
lha yi btsun pa nyid kyi thugs mtshor thim//
slob dpon nyang ram pa
lhun grub dpal bzang grub spyod lhug par ston//
slob dpon nangs pa
sangs rgyas blo gros rigs pa'i ral gri 'phyar//
snar thang slob dpon
grags pa bzang po mngon