[A:230]ལས་ལ་འཁོལ༎
སྡེ་པ་སྒར་པ
དོན་ཡོད་རྡོ་རྗེས་ཀུ་རུ་ཀུ་ལླེ་འགྲུབ༎
ཤཱཀྱ་རྒྱལ་མཚན
འཁོན་གྱི་གདུང་བརྒྱུད་མཁའ་དབྱིངས་ཉི་ལྟར་གསལ༎
མཁན་ཆེན་བློ་བརྟན་པ། མཁན་ཆེན་ལྷུན་གྲུབ་བཀྲ་ཤིས། མཁན་ཆེན་ལེགས་པ་རིན་ཆེན། མཁན་ཆེན་ཀུན་དགའ་དཔལ་འབྱོར། མཁན་ཆེན་གྲགས་པ་རྒྱལ་མཚན། མཁན་ཆེན་རིན་པོ་ཆེ་བཀྲ་ཤིས་རྣམ་རྒྱལ་ཏེ་མཁན་རབས་དྲུག།
ཚོགས་པའི་མཁན་བརྒྱུད་གསེར་རིའི་ཕྲེང་ལྟར་བསྒྲིགས༎
གླིང་སྨད་མཁན་པོ་ཀུན་དགའ་དག་དཔལ་འབྱོར་སོགས།
གཟུར་གནས་མཁས་སློབ་ཕྱོགས་བཅུའི་རྒྱུ་སྐར་འདྲ༎
ཆེ་དགུའི་བུ་སློབ་བསྟོད་ཚིག་རྔ་ཆེན་སྒྲོག།
མཚན་སྨོས་པ་འདི་དག་ནི་མཚོན་བྱེད་ཙམ་སྟེ། གང་གི་ཞལ་སློབ། ཡང་སློབ་རྗེས་འཇུག། བརྒྱུད་འཛིན་དང་བཅས་པ་ཇི་སྲིད་སངས་རྒྱས་ཀྱི་བསྟན་པའི་རྒྱུན་དང་ལྷན་ཅིག་ཕྲིན་ལས་མཆོག་གི་བྱ་བ་ཆད་པ་མེད་པར་ཆུའི་རྒྱུན་ལྟ་བུར་གྱུར་པ་ཉིད་དོ༎
ཞེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་མོ་རྣམ་པར་འབྱེད་པ་ལས། ཕྲིན་ལས་ཀྱི་འཁོར་ལོ་རྒྱུན་མི་ཆད་པའི་སྐབས་ལས་རྗེས་སུ་བསྒྲགས་པའི་རབ་ཏུ་བྱེད་པ་ཉི་ཤུ་རྩ་དྲུག་པའོ༎ ་༎
Chapter 27: yongs su rdzogs pa'i skabs
དེ་ལྟར་རྣམ་ཐར་སྔ་མ་གསུམ་གདན་བཀོད་དུ་བྱས་མ་ཟློས་ཤིང། གང་མ་ཚང་བའི་ཐད་ཁོལ་དུ་ཁ་སྐོང་བགྱིས། རང་རེས་འབད་རྩོལ་དྲག་པོས་པཎ་ཆེན་ཉིད་ཀྱི་ཞབས་ལ་གཏུགས་ཤིང། གསུང་གི་བདུད་རྩི་དངོས་སུ་བཞེས་པའི་སློབ་མའི་མཆོག་བཅུ་གཉིས། ཡང་སློབ་བརྒྱུད་པ་འཛིན་པ་བཞི་སྟེ། དགེ་བའི་བཤེས་གཉེན་བཅུ་དྲུག་གི་དྲུང་དུ་གང་ལས་བརྒྱུད་པའི་དབང་ལུང་གདམས་པའི་སྒོ། ཆོས་ཀྱི་རྒྱལ་པོའི་དཔལ་གྱི་མགུར་ལས་བཀའ་སྩལ་བ་ཕལ་ཆེར་ཐོབ་ཅིང། དེ་སྐབས་རེ་རེ་ནས་ཀྱང་རྣམ་ཐར་གྱི་ཟུར་མི་འདྲ་བའི་ཆ་ཕྲ་བ་ཐོས་པ་ཀུན་ཀྱང་མ་བརྗེད་པར་བློ་ལ་གཟུངས་སུ་བསྟེན་པ་དག་སོ་སོར་བཀོད། དགུང་ལོ་བརྒྱད་ཅུའི་བར་ལ་ཧོར་ཀོངས་མེད་ཅིང་དབུ་ཞབས་གཏན་མ་ལོག་པ། རྒྱུ་སྐར་འཆར་བའི་