[A:226]gi bdud rtsi 'di rnams la nan tan gyis lta zhing kun chub par bya ba nyid las 'bad pa'i gnas med do// zhes nges par bya ba'i phyir nyung ngu'i tshig tu bsdebs nas brjod pa 'di ltar/
blo gsal smra ba'i ngag gi dpal ster rig gnas phra mo'i legs bshad tshogs//
sngon rabs shes byed bla ma'i yon tan rgyan phreng spel ba'i rnam thar dang//
de de ji bzhin bshes gnyen dam pa'i yon tan brjod pa'i bstod pa'i tshig//
rang gi mdzad pa'i ngo mtshar ston pa'i deb gter bstod pa'i rab byed bzhi//
rgyal dang de sras mchog la bsngags pa'i snyan ngag mkhas pa'i yid 'phrog dang//
gzhan gyis brtsad cing dris pa'i rgal lan sprin yig sna tshogs spel ba'i sde//
sngags gzhung zab dgu'i bcud bsdus sdebs legs rang gzhan 'byed pa'i brda gsang gang//
lhag pa'i lha mchog brnyes pa'i sgrub thabs sngags 'bru shes byed sgo du ma//
tshad ma'i chos 'byung dpyod ldan dga' byed dka' 'grel rigs pa'i snang ba 'phro//
rtog ge'i 'khrul pa yongs su 'joms byed rtog ge'i snying po bsdus pa'i bcud//
sde bdun rigs pa'i gter gyi rol mtsho sde bdun bang mdzod lde mig can//
sems tsam gsal ba'i me long gang der shes bya'i gzugs brnyan ma lus shar//
bzhed tshul rgya mtsho'i rlabs kyi 'phreng bar rgya bod mkhas pa'i 'grel tshul bstan//
lus dang yan lag rgyas par 'chad byed lung don rgya mtsho'i gting mtha' yas//
gzhung tshig re re sbyor ba'i TI ka gnad kyi sgron mes gsal bar byas//
rang gzhung sgrub pa'i lung rigs rgya mtsho legs bshad rba klong g.yo ba can//
zur 'debs chu chen rnam pa bzhi de lung gi rgya mtsho chen por 'bab//
'jug sgo gsum gyi mthar rgyas 'chad byed lung gi chos kun snying po'i mdzod//
log rtog tshig 'bru phye mar