[A:193]lha btsun pas da lta'i rab gsal zla mgon pa la/ khyed rang paN chen la zhabs dbang zhig zhus la/ zla ba gcig tsam khrims rogs zhig khrid dpe mtshams la song gsung ba bzhin/ paN chen gyi spyan sngar phebs pas/ ci la yongs gsung/ zhabs dbang zhig zhu ba la yongs zhus pas/ na ba bzhin ni min nam gsung/ na ba min lags drung nas kyi bka' lung 'di bzhin byung bas yin zhus pas/ dbang rdo rje 'phreng ba tsam gyi dgag dgos bshol ba'i dpe cha'i blo 'dzin des gar sleb/ khyed rang zhed mi dgos ngas slob dpon pa la dkrol bas chog/ sang de da tsam song dus rdo rje 'phreng ba bskur dgos pa yin no gsung zhing/ phyis de ji lta bar rab gsal zla mgon pa dgung lo bdun cu don gcig bzhes pa/ paN chen rin po ches rdo rje phreng ba gnang ba'i dgung lo'i chodvc: or: tshod?de rang la bdag gis spyan drangs nas dkyil 'khor bzhi bcu zhe lnga ma'i dbang bskur zhus/ khong gi sku tshe la dbang gcig po de ka yin zhing/ dbang mi lnga brgya po'i nang nas dbus su paN chen rdor rgyal bas dbang tshar 'ga' gnang ba ma gtogs gzhan gnang mi gcig kyang ma byung skad do//
mkhas grub lcang ra ba 'di skabs chos 'khor rtse na 'chad nyan la bzhugs pas/ phyis gting skyes su rje kun dga' bkra shis pa'i drung du gsol btab gnang/ 'bul bar zhal gyis bzhes kyang phyag thog tu ma khel 'dug go//
de nas paN chen rin po che/ dgung lo don gnyis su phebs pa vc: 1499sa mo lug gi lo'i dpyid sos de/ rgya gar ha ri punyca zhes pa nyan thos kyi dge 'dun khri khrag tshogs pa'i gnas nas paNDi ta chos kyi nyin byed dang/ 'phags pa'i rigs su mtshan btags pa gnyis rgya nag nas brgyud de zhabs drung du phebs/ legs sbyar gyi skad du mchog gi dang