[A:195]དུས་འཁོར་སོགས་ཀྱི་བསྐྱེད་རྫོགས་ཀྱི་བཤད་པ་མཐིལ་ཕྱིན་གནང་ཞིང། ལྷག་པར་གསང་འདུས་འཇམ་པའི་རྡོ་རྗེའི་དཀྱིལ་འཁོར་རྡུལ་ཚོན་དུ་བཞེངས་ནས་དབང་ཆར་བཅད་པའི་དབང་ལན་གྲངས་དཔག་མེད་རང་སྩལ། གཏིང་སྐྱེས་སུ་རྗེ་ཀུན་དགའ་བཀྲ་ཤིས་པ་ལ་ཡང་དབང་བསྐུར་ནོན་ངེས་བྱོན་གསུངས་པས། ཐུགས་བྲེལ་འགས་གཡེངས་ནས་འགོར་ཤིན་ཏུ་ཆེ་བ་བྱུང་བས་འདིའི་དབང་རྫོགས་ནས་སང་དཀྱིལ་འཁོར་ལ་གཤེགས་གསོལ་འབུལ་རྒྱུའི་དོ་ནུབ་རྗེ་ཀུན་བཀྲ་པས་མནལ་ལམ་བཟུང་ནས་ཕེབས་པས་དཀྱིལ་འཁོར་གཙོ་བོ་དང་བླ་མ་དབྱེར་མེད་ལ་དབང་གསན། སང་སླེབ་པ་གྱིས་ཤེས་པའི་བཀའ་ལུང་གནང་ཞིང། དེའི་ཉིན་དྲུང་ཡིག་ཆོས་རྒྱན་པས། ད་རང་དབང་མི་རྫོགས་འདུག་ཅིང་ཞག་འགའ་དེ་ནི་སྒུག་སྡོད་ལ་བདག་འཇུག་རེ་སྐུ་དྲིན་སྐྱོང་བ་གནང། ད་དེ་ཡར་ཕྱོགས་ཀྱང་ཕྲིན་ལས་སྣ་མང་བས་མ་བྱོན་དོགས་དང། ད་ལན་གྱི་བཀའ་ཆོས་གསོལ་བ་འདེབས་པའི་གཙོ་བོ་ཆོས་རྗེ་བྲག་དམར་པ་ཡང་ཆོས་སྡེའི་དུས་ཆོས་སོགས་ལ་ཕེབས་དུས་ཐུག་སྣང་བས། དཀྱིལ་འཁོར་གཤེགས་གསོལ་གནང་ནས་འཇམ་དཔལ་ཞལ་ལུང་གྲོལ་ཐིག་སོགས་ཞལ་བཞེས་ཀྱི་བཀའ་ཆོས་རྣམས་ཐུགས་ལ་འདོགས་པ་ལེགས་པ་འདྲ་ཞུས་པས། ཁོང་ལ་མདང་ཡང་དཀྱིལ་འཁོར་འདིར་དབང་བསྐུར་ཡོད་ཅིང། དེ་རིང་དགོངས་ཕྱོགས་བྱོན་ཡོང་གསུང་བའི་བཀའ་ལུང་སྔ་དྲོ་གནང་བའི་དགོངས་ཀྱི་ཆ་ལ་ཕེབས་ཤེས་ཐོས་སོ༎
དེ་ལོ་ན་རོ། ནཻ་གུ། སྙིང་པོ་དོན་གསུམ། སྨར་ཁྲིད་རྣམས་ཞུ་མི་སོ་སོ་ལ་རིམ་ཅན་དུ་གནང་ཞིང། ཡང་དེ་སྐབས་མུ་རྫི་རྟོགས་ལྡན་ཀུན་དགའ་ལེགས་བཟང་པ་ཡང་དཔོན་སློབ་འགའ་ཞིག་མཇལ་བ་ལ་ཕེབས་པས་ཞེན་པ་བཞིགཞི་བྲལ་གྱི་ཁྲིད་དང། ཁོང་གིས་གསོལ་བ་བཏབ་ནས་དྲི་བ་ལྷག་བསམ་རབ་དཀར་གྱི་དྲིས་ལན་ཡང་ཐུགས་རྩོམ་