[A:194]po'i sangs rgyas dpal dus kyi 'khor lo'i dbang bskur ba zhus te/ mnga' ris glo bor byon/ de dus glo bo na rgya gar gyi paNDi ta si ro ma Ni byon 'dug cing/ khong gi phyag na rgyal sras zhi ba lha'i spyod 'jug rang 'grel gyi rgya dpe 'dug pa glo bo sde pa bkra shis mgon gyis sbyin bdag gnang nas bsgyur dgongs nas/ rgyal rtser gur pa'i slob dpon steng na glo bo rang gi steng sa chenvc: or: stengs chen?mkhan po byas pa'i chos rje dkon mchog chos skyabs par grags pa/ mi nyag grags rdor ba'i sgra'i bu chen des khas blangs nas byon pas phyogs kyang ma mtshon par 'dug pa'i skabs der 'dug pas/ paNDi ta rnam pa gnyis kyis sde pa bkra shis mgon la/ khyed rang glo bo yin pa'i lo tsa ba dharma dhra dza bsgyur du bcug na khong gis legs par shes pa 'dug zhus pas 'bod mi dang/ paN chen rin po che'i zhabs drung du yang rdzong dgos pa'i tshul phul yang/ zhi ba lha'i rang 'grel sngon gyi paNDi ta lo kotta ra'i phyag na yang 'dug pa rgya dpe'i steng nas nged kyis kyang mthong/ da lta'i de yang de ka yin tshod du 'dug na'ang/ sngon gyi sgra bsgyur chen pos 'bad nas bsgyur ba la nyan bshad med pa'i gsar 'gyur des gang byed gsung/ drung yig chos rgyan pa yang bkas ma grol zhes gtam du gleng ngo//
paNDi de nyid glo bo nas brgyud de rgya gar du gshegs shing/ lam du paNDi ta 'phags pa'i rigs shes mtshan yod pa de gshegs nas/ paNDi ta chos kyi nyin byed kyis zhu yig rgya gar gyi yi ge bris nas/ dzo ki a maRa ta nA tha zer ba lo lnga brgya lon zhing/ lha gnas sum cu rtsa gsum du phyin pa de la bskur nas gser mdog can du phul ba yin no//
de'i phyi lo dgung lo don gsum bzhes pa sa mo lug gi lo vc: 1499yang gsang 'dus bde mchog