[A:17]gzhan 'phrul bdag po'i bu mo khengs ldan ma//
me tog mda' can ma de skyengs te zhum//
rang bzhin gyis grub tshangs spyod gsal ba'i tshon//
thun mtshams li khri'i mdangs 'phrog sangga tsi//
phan tshun mdzes pa'i dpal bzang 'gran pa'i zol//
skal bzang mig gi bdud rtsir yongs la bsgrags//
sngon gnas rjes su dgongs pa'i rang nyams can//
khyed thugs me long ma phyis ngang gis gsal//
ma 'ongs gzugs brnyan shar ba'i zlos gar cha//
byis pa'i 'khor la mdzub mo'i brda yis bstan//
ston pa sangs rgyas rang byung bsnyen rdzogs ltar//
khyed kyang rang byung ngur smig gos mchog 'dzin//
slad nas mkhan slob khrims kyi rjes 'gro ba//
dngos su glang chen khrus 'dra ston min gtan//
zhes paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las/ gzhon nu'i skabs las rjes su bsgrags pa'i rab tu byed pa gsum pa'o//
Chapter 4: rab tu byung zhing dge tshul gyi tshul khrims rjes su mnos pa'i skabs
der skyor mo lung gi chos grwa de nyid du bzhugs pa'i skabs/ mkhan chen chos rgyal dpal bzang pos/ spyan gyi 'bras ltar gces spras su gnang zhing/ dngos dang brgyud nas/ 'di la gangs can gyi ljongs kyi 'dul ba 'dzin pa thams cad kyi mchog tu gyur pa cig yong nges shing/ rnam sras 'khor bcas kyang lus dang grib ma'i tshul du rjes su 'brang bar 'dug go gsung zhing bka' las kyang/ nged rang byis pa lo dgu lon pa'i skabs/ skyor mo lung tshor yun ring bsdad/ de dus nas gre lce lhag par bde ba dang/ brjod pa gtsang bar yod pas/ khong che bgres 'ga' re rnam sras kyi dbyangs gyer ba'i lad mo zlos pas/ dbyangs rta tshig sbyor dag yud tsam gyis shes shing/ rang re gtol ci yang med pa'i byis chung yin/ mkhan chen chos skyabs pas dgongs pas dpyad nas phyag rdor 'gro bzang ma'i dbang dang/ rnam sras rigs brgyad kyi rjes gnang/ rdo rjes 'og gar mkhan mchog