[A:167]rigs gter slob dpon pa kun dga' bsam gtan dang/ rgya ma slob dpon dbang phyug bzang po ba ste/ gzhi byes kyi slob dpon de rnams kyis grangs kyi kha skong gnang nas bdag gi drin can rtsa ba'i bla ma mchog dpal spyang lung pa gzhon nu chos grub pa'i zhal snga nas la bsnyen par rdzogs pa'i bka' drin stsal/ las grwa rnam pa la paN chen rin po che nyid kyis ja bur bzang po'i bsnyen bkur dang/ bsnyen par rdzogs pa'i rab ston paN chen rin po che nyid kyi sku la bcar ba'i rnam sbyar zhig gis dbu byas pa'i gnang sbyin yang dag pa stsal nas/ nged la rin po che chos sdings pas 'khor ba med pa'i bka' drin gyis bskyangs pa'i drin gsob du dmigs pa lags so zhes dpal gyi mgur nas bka' stsal du mdzad do//
yang dus der las grwa bzang bas shes bsnyen rdzogs zhu mi mang du byung zhing der dgag dbye grol rjes/ grwa pa bsod snyoms dgos pa rnams kyis 'phan yul?'phen yul gyi lung pa phu zhabs la rnyed pa blangs pas/ kun kha 'cham par rang re'i chos rje'i grwa par snang zhes bsod snyoms 'bad med du phul zhing/ 'ga' re'i lab brjod la glang thang pa'i skya btsun sangs rgyas rab bdun gyis mthul ba 'di kun chos rje chen po ba'i drung gis bal chur sbangs pa 'dra ba cig la btang song zhes smra mkhan yang byung zer ro//
de dus mnga' ris pa'i slob gnyer ba 'gas/ gung thang gi grong der bsod snyoms la phyin/ khong rnam pa la gding lhung sogs rab byung gi chas bzang po yod pas/ de'i sbyin bdag cig gis ri bo dge ldan par 'dug bsam dad mos kyis khyim du spyan drangs gdan non zhus rjes/ de ring 'di kar bzhugs zer/ der dgongs phyogs khos gsol ja khyer nas yong dus/ rung chu a dgos byas pas/ ha ni ma go yang lags lags byas pas/ khos chu