[A:166]du char sprin 'dus te/ 'brug sgra zab mo'i sgra 'byin pa dang lhan cig char chen phab cing/ de nub rang la gnya' shing gi dpangs tsam gyi sa'i dkyil 'khor ma lus pa yongs su tshim par gyur pas sang snga chos kyi chos khri khar phebs/ gang blo ma gnang skabs nyid nas yul 'khor gyi grong pa ma lus pa dga' ston gyi phyag 'tshal ba la lhags te/ mar krog phul ba sku mdun du gangs 'phyur ba tsam byung zhing/ rgan pa 'ga' re 'di 'dra'i skyid stsal bas nged rang gi rta 'bul ba zhu zhes smreng ba las mtshon pa'i yid dga' ba'i dpal gyis khyab par gyur cing/ bka' las kyang/ rje btsun sgrol ma'i sku 'di la ding sang tshun la byin rlabs char 'bebs mar mtshan gsol to// zhes gsung zhing/ phyis paN chen rin po che zhi ba'i dbyings su bzhud rjes rje dbon shAkya rgyal mtshan pas/ stag lung chos rje rnam rgyal grags pa la/ glang thang pa dang stag lung pa'i rtsod gleng zhig gi ched du phul te/ ding sang stag lung na bzhugs snang bas bdag gis phyag mchod smon lam gyi skal ba thob bo//
de ltar na dbyar gyi dgag dbyed dang dus mtshungs su spyan snga blo gros rgyal mtshan pa'i nang rten gser sku rdo rje 'chang jovc: or: dze?tshad ma de nyid kyi rab gnas rgyas par mdzad rjes/ da mi la yang rab gnas shig dgos pa yod gsung nas/ paN chen rin po ches bka' bkod dang len thams cad mdzad nas/ paN chen rin po che rang gis mkhan po/ glang thang spyan snga grub rgyal bas las slob/ rje kun dga' rgyal mtshan pas gsang ston dang/ chen po ra chung pa yon tan chos 'phel bas dus sgo ba/ rje brag dmar ba kun dga' tshe 'phel bas grogs dan pa/ slob dpon drung nas grags pa byang chub/ nyang stod rab 'byams pa lhun grub dpal bzang po/ shangs ston sangs rgyas blo gros/ mngon pa ba grags pa bzang po ste bzhi dang/