[A:164]de byang lam la mdzad nas/ 'phan yul rig pa'i 'byung gnas kyi gtso bo mkhar rtser phebs shing/ der dpon slob byes pa rnams sku ngal bsten ched bcag mal tsam gnang nas skal ldan shing rta'i pho brang rgya ma khri khang du phebs nas/ zla ba gnyis kyi ring tsam bzhugs/ chos ra rigs lung lhag par smar zhing/ rgya ma'i zhal ngo rnam pas gtso mdzad la/ nA ro phyag chen/ lhan cig skyes sbyor/ nai gu dbang dang rjes 'brel gyi shangs pa'i gser chos bzhi tshang ma rnams gnang la/ byes pa'i che btsun gcig kyang ma tshud la/ drin can spyang lung pas der gnang ba kun gsan zhing/ paN chen rin po che'i zhal nas/ 'di rnams spyang lung rin po che nas brgyud pa yin zhes ched du stsal zhing/ drin can spyang lung pa sku rkyang la mchog dbang sngon du 'gro ba'i sbyor ba yang lag drug gi khrid kyang gnang ste/ paN chen rin po ches sbyor drug gnang ba'i thog ma rang 'di yin gsung ngo//
der gzhi byes kyi tshogs pa kun la/ rje rong ston chen po nas gsan pa'i jo bo rje dpal ldan a ti sha'i lugs kyi sgrol ma nyi shu rtsa gcig gi rjes gnang yang tshogs su stsal zhing/ paN chen rin po ches mkhan po dang/ spyan snga grub rgyal bas slob dpon mdzad nas rgya mar grwa tshang gsar 'dzugs kyi thus btsun stobs che ba'i rab byung bsgrub pa der bzhugs ring gnang zhing/ khyad par de dus rgya ma ba'i zhal ngo chos mdzad ma chos grub dpal mo 'tsho'i drung gis paN chen rin po che'i drung du mkhan po zhus/ las kyi slob dpon spyan snga grub pa'i rgyal po/ gsang ston rje btsun kun dga' rgyal mtshan/ tshangs spyod nyer gnas kyi slob dpon rje brag dmar ba/ dus sgo ba drung dbang bzang pa/ grogs dan pa chos rje bsam gtan pa/ las grwa'i kha skong byes kyi slob dpon pa rnam bzhis mdzad nas/ dge slong ma'i sdom pa bzhes