[A:163]ma pham zhal gyi dkyil 'khor mdangs gsal ba//
brgyud par bcas pa'i spyan yangs la 'khyud de//
byams chos lus sgrub gzugs brnyan gsal ba'i tshig//
ding 'dir sngon med legs bshad rgya cher spel//
byams sku'i ri bo rin chen las bsgrubs pa//
gser mdog gzi 'od 'phro ba'i dpal gang ni//
dka' ba med par dga' ldan lha gnas nas//
ngang gis byon te gnas 'dir bzhugs pa bzhin//
byams mgon gnyis pa don yod dpal bzang po'i//
sku gdung kha ba'i 'od chags dum bu dag//
rin chen dar gos kyis klubs chos sku'i rten//
bye ba phrag brgyar spel nas de nang bzhugs//
lha gnas yid 'phrog byams pa'i gtsug lag khang//
mi dang mi min dad pa'i 'phrul las bsgrubs//
lha bcas 'gro ba'i phyag dang mchod pa'i zhing//
ngo mtshar dpag yas thugs rje'i dpal gyis bskrun//
rgya gar yul nas nyan thos dge slong gang//
slong ba'i snod du byang chub shing lo'i tshogs//
ma sbags gtsang sbra'i bkur stis spyan drangs te//
byams pa'i sku la ched du 'bul bar mdzad//
byams pa'i rang bzhin g.yag rong a mo gha//
byams pas rjes sprul paN chen chos kyi rje//
byams chos bstan pa'i bdag po brgyud par bcas//
byams pa'i thugs kyis 'gro ba'i skyabs mgon gyur//
ces paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las/ byams pa'i sku'i snang brnyan rjes su bsgrubs pa'i skabs las bsgrags pa'i rab tu byed pa bcu dgu pa'o// //
Chapter 20: bsngags par 'os pa'i cha shas 'ga' zhig
der paN chen rin po che slob ma'i tshogs kyi zhabs 'brings dang bcas pas stag gru kha nas 'u yug la gnang/ de nas stag pa'i ru ba sogs la brgyud