[A:165]ཏེ་རྒྱ་མ་དགེ་སློང་མར་མཚན་ཐོབ་བོ༎
དེ་ནས་གླང་ཐང་དུ་ཕེབས་དབྱར་ཞལ་བཞེས་གནང། གཞི་བྱེས་ཀྱི་གྲྭ་པ་བློ་ཚོད་མཐོ་བ་འགའ་ཞིག་བསྡུས་པ་སུམ་བརྒྱ་ཙམ་ལ་ལམ་འབྲས་ངོར་ལུགས་ཚོགས་ཆོས་སུ་གསུངས་ཤིང་རྒྱ་ནའི་ཞལ་ངོ་རྣམས་དང། ལྷག་པར་དྲིན་ཅན་སྤྱང་ལུང་པ་ལ། ཁྱེད་ཆོས་སྡིངས་པའི་ཕ་ཆོས་རང་དེ་འདི་ཡིན་གསུང་ཐེག་ཆེན་ཆོས་ཀྱི་རྒྱལ་པོ་ལས་བརྒྱུད་པའི་ལམ་འབྲས་ཆ་ལག་ཡོངས་སུ་རྫོགས་པར་སྩལ། དེ་ལོ་ཆར་ལྷག་པར་དཀོན་པས། ཡབ་པ་སྒོ་མོ་སོགས་ཀྱི་ནུས་ཆེ་ཆེའི་རྟོགས་ལྡན་ཀུན་གྱིས་ཆར་འབེབས་ཅི་བྱས་ཀྱང་ཆར་མ་ཕེབས་པར་ཞིང་པའི་རེ་ཐག་ཆད་པའི་སྐབས་དེར། གླང་ཐང་གི་འཁྲིས་ཀྱི་ཆུ་མིག་དེར་གཞི་བྱེས་ཀྱི་དགེ་འདུན་ཡོ་བསགས། མང་ཇ་ཉིས་སྦྲེལ་རིང་སྤྲིན་ཆེན་པོའི་མདོ་ཀློག་པ་དང། སྒྲོལ་མའི་འུར་འདོན་གནང་ནས། ཁྲུས་གསོལ་རྒྱ་ཆེར་མཛད་པས། ནམ་མཁའ་ལ་སྤྲིན་སོགས་ཅང་མ་བྱུང་བས་གྲྭ་པ་ཀུན་ཐུགས་མཛངས་པའི་ཚུལ་དུ་སྣང་ལ། གྲོང་ཁྱིམ་པ་ཀུན་ངེས་པར་ཆར་འབེབས་མཁན་གཞན་དང་ཡེ་མི་འདྲ་བས་ཐུགས་རྗེ་བསླུ་བ་མེད་ཅེས་མགྲིན་གཅིག་ཏུ་སྒྲོག་གོ༎
དེར་དེ་ནུབ་ཐུགས་དམ་ལ་བཞུགས་དུས། དྲུང་ཡིག་ཆོས་རྒྱན་པ་ལ་ག་རེ། ནམ་མཁའ་ལ་སྤྲིན་ཅི་སྣང་ལྟོས་གསུང་དུས། སྤྲིན་ཡེ་མི་སྣང་ཆར་འབབ་པའི་གཤིས་སུ་མི་འདུག་ཞུས་པས། འོ་ན་ད་དུང་ཡང་སྒྲོལ་མ་ལ་ཡོན་ཆབ་ཤིག་ཤོམས་ཤིག་གསུང་ནས། སློབ་དཔོན་ཙནྡྲ་གོ་མིའི་ཐུགས་དམ་ཡིན་ངེས་ཀྱི་སྒྲོལ་མ་རྒྱ་གར་མ། སློབ་དཔོན་སྡེ་པ་ཨ་སེང་པས་ཕུལ་བ། ཞབས་ལ་ལཉྫའི་ཡི་གེར་དགེ་བསྙེན་ཟླ་བའི་ཡི་དམ་དུ་བཞེངས་ཟེར་བ་ཞིག་སྐུ་དང་འབྲལ་མེད་གར་ཕེབས་ཏུ་སྣོམས་པའི་འཕགས་མའི་དྲུང་ལ་ཆེད་ཀྱིས་མཆོད་ཤོམས་གནང་ནས་གསོལ་བཏབ་མཛད་པའི་སྐད་ཅིག་དེ་ལ། ཕྱོགས་བཅུ་ནས་བློ་བུར་