[A:363]stengs 'gro ba'i yab//
lus can lus med pas brtsen 'di bor nas//
lha yul lha yi khang bzang la dga' ba//
brtse chen brtse ba med pa ma lags sam//
kun gyi yab khyod kun la mi chags na//
ma lus 'gro la ma bzhin brtse ba ci//
bu slob yongs la bu bzhin brtse mdzad na//
mgon khyod 'gro ba'i mgon du mi bzhugs ci//
rig gnas kun dang mdo dang rgyud sde dang//
bstan bcos yongs la thos bsam goms pa yis//
bstan pa 'degs pa'i khur gyis rab ngal nas//
lha yul ngal bso'i bsti gnas snyeg lags sam//
sngon tshe khyod gsung bdud rtsi rab 'thungs kyang//
de nas khyod kyi phun tshogs la sdang ba'i//
log bsgrub lha min tshig mda' ma bzod nas//
mtha' bral steng gi khang bzangs la 'dzeg gam//
khyod zhabs ngang mo zung gis mi rnams kyi//
cod pan chu gter 'dzin pa 'di btang nas//
ma pham zhal gyi slob mar khas 'che ba//
rtag tu bla ma'i khur gyis ngal gyur tam//
res 'ga' me tog 'ja' tshon gyis bklubs zhing//
res 'ga' sa chen g.yos pas bsngags byas nas//
lha mi'i mgon po lha yul du 'bod pa//
tshangs dang brgya byin stan la mi 'dug'dugs gam//
mi pham chos rje khri la 'khod bzhin du//
byams mgon gnyis pa dga' ldan der gshegs pa//
thugs rje'i dbang phyug ma pham rgyal ba de//
'dzam gling 'dir 'pho'i dus la bab min nam//
de lta mod kyi thub chen rgyal ba yang//
brgyad cu'i steng du rang gnas dam par gshegs//
yongs rdzogs bstan pa'i mdzad pa kun zin nas//
lha yul gshegs la mya ngan gyis ci bya//
de nas khyod kyi byang chub brnyes pa na//
thugs rje'i lam chen