[A:363]སྟེངས་འགྲོ་བའི་ཡབ༎
ལུས་ཅན་ལུས་མེད་པས་བརྩེན་འདི་བོར་ནས༎
ལྷ་ཡུལ་ལྷ་ཡི་ཁང་བཟང་ལ་དགའ་བ༎
བརྩེ་ཆེན་བརྩེ་བ་མེད་པ་མ་ལགས་སམ༎
ཀུན་གྱི་ཡབ་ཁྱོད་ཀུན་ལ་མི་ཆགས་ན༎
མ་ལུས་འགྲོ་ལ་མ་བཞིན་བརྩེ་བ་ཅི༎
བུ་སློབ་ཡོངས་ལ་བུ་བཞིན་བརྩེ་མཛད་ན༎
མགོན་ཁྱོད་འགྲོ་བའི་མགོན་དུ་མི་བཞུགས་ཅི༎
རིག་གནས་ཀུན་དང་མདོ་དང་རྒྱུད་སྡེ་དང༎
བསྟན་བཅོས་ཡོངས་ལ་ཐོས་བསམ་གོམས་པ་ཡིས༎
བསྟན་པ་འདེགས་པའི་ཁུར་གྱིས་རབ་ངལ་ནས༎
ལྷ་ཡུལ་ངལ་བསོའི་བསྟི་གནས་སྙེག་ལགས་སམ༎
སྔོན་ཚེ་ཁྱོད་གསུང་བདུད་རྩི་རབ་འཐུངས་ཀྱང༎
དེ་ནས་ཁྱོད་ཀྱི་ཕུན་ཚོགས་ལ་སྡང་བའི༎
ལོག་བསྒྲུབ་ལྷ་མིན་ཚིག་མདའ་མ་བཟོད་ནས༎
མཐའ་བྲལ་སྟེང་གི་ཁང་བཟངས་ལ་འཛེག་གམ༎
ཁྱོད་ཞབས་ངང་མོ་ཟུང་གིས་མི་རྣམས་ཀྱི༎
ཅོད་པན་ཆུ་གཏེར་འཛིན་པ་འདི་བཏང་ནས༎
མ་ཕམ་ཞལ་གྱི་སློབ་མར་ཁས་འཆེ་བ༎
རྟག་ཏུ་བླ་མའི་ཁུར་གྱིས་ངལ་གྱུར་ཏམ༎
རེས་འགའ་མེ་ཏོག་འཇའ་ཚོན་གྱིས་བཀླུབས་ཞིང༎
རེས་འགའ་ས་ཆེན་གཡོས་པས་བསྔགས་བྱས་ནས༎
ལྷ་མིའི་མགོན་པོ་ལྷ་ཡུལ་དུ་འབོད་པ༎
ཚངས་དང་བརྒྱ་བྱིན་སྟན་ལ་མི་འདུགའདུགས་གམ༎
མི་ཕམ་ཆོས་རྗེ་ཁྲི་ལ་འཁོད་བཞིན་དུ༎
བྱམས་མགོན་གཉིས་པ་དགའ་ལྡན་དེར་གཤེགས་པ༎
ཐུགས་རྗེའི་དབང་ཕྱུག་མ་ཕམ་རྒྱལ་བ་དེ༎
འཛམ་གླིང་འདིར་འཕོའི་དུས་ལ་བབ་མིན་ནམ༎
དེ་ལྟ་མོད་ཀྱི་ཐུབ་ཆེན་རྒྱལ་བ་ཡང༎
བརྒྱད་ཅུའི་སྟེང་དུ་རང་གནས་དམ་པར་གཤེགས༎
ཡོངས་རྫོགས་བསྟན་པའི་མཛད་པ་ཀུན་ཟིན་ནས༎
ལྷ་ཡུལ་གཤེགས་ལ་མྱ་ངན་གྱིས་ཅི་བྱ༎
དེ་ནས་ཁྱོད་ཀྱི་བྱང་ཆུབ་བརྙེས་པ་ན༎
ཐུགས་རྗེའི་ལམ་ཆེན་