[A:357]khyad par dam pa sangs rgyas kyi chos skyong a gho ra dang/ gnyan gyi mgon pos thun mong gi las tshogs thams cad bsgrub/ yul gang du mi ma yin gyi gnod pa byung ba na/ rje nyid kyi mtshan nas bton pa tsam gyis 'byung po rnams myur du 'bros/ gsang chab btung pa tsam gyis gdon gyis gzir ba rnams myur du grol/ khyad par gsang chab des nad gang la yang mi phan pa med/ khyad par klu'i nad kyis gzir ba la byin rlabs dang dmigs pa cung zad mdzad pas grol/ de'i snyan grags la brten nas klu nad can mang po gdams pa zhu ba la 'ongs/ de dag la de bzhin gshegs pa klu dbang rgyal po'i bsgom bzlas 'bogs par mdzad/ ser ba drag po 'bab pa dang/ pha rol po 'khrug pa byed pa mthong na phaT kyi sgra gcig mdzad de tsam gyi zhi bar 'gyur ro//
de la sogs pa brjod pas mi lang ngo//
de ltar dgung lo brgyad cu'i mthar son pa'i tshe/ lung bstan gyi sku tshe'i tshad kyang mthar phyin/ thugs dam gyi rtogs pa zab mo ji ltar dgongs pa bzhin grub nas/ me mo yos kyi lo dgung lo brgyad cu rtsa gcig la phebs pa'i tshe/ nye gnas chen mos/ rje nyid kyi gser sku rtse khru gang pa gcig bzhengs/ phyag tu phul bas/ 'di la kho bo lo gsum sdod pa'i rten 'brel byed/ de'i ring la bstan bcos mang po 'chad/ rtsom pa yang mang po byed/ yum rgyas pa dang/ de'i TI ka rngog los byas pa dang/ snyan ngags kyi bstan bcos chen po dpag bsam 'khril shing yang/ nam mkha' dpal ldan gyis nyi ma'i gung la legs par thon cig ces gsung/
de nas yos lo hril po dang/ 'brug gi lo'i hor zla dang po tsam yang chad la/ chos tshan mi gcig pa