[A:356]'byung med/ jo bo shAkya mu ne'i drung du/ sde snod shes pa'i dge 'dun mang po la bsnyen bkur byas na 'grub/ dus der kho bo spyan drongs/ chos kyi 'khor lo bskor/ ming la smon lam ma zer chos 'khor gyis ces gsung/ rje nyid kyis ji ltar gsungs pa bzhin kun spangs pas kyang phyag len la bkal/ de'i tshe rje nyid spyan 'dren pa ni sa phyogs de'i yon bdag gi gzhan dbang du gyur nas ma grub/ chos kyi 'khor lo bskor ba'i mtshonmchon byed du/ bka' 'gyur dang/ bstan 'gyur tshar drug bsgrags so//
de dus kyi sku skal la dmigs te/ nA lenTA'i gtsug lag khang du jo bo'o yi sku tshad bzhengs/ dge 'dun la tshogs zangs chen mo phul/ dbyar chos la rigs ra gtsugs so//
de dag la 'di skad ces/
chags dang sdang ba'i dpung tshogs bzhi bshams shing//
pha rol phrag dog drag pos sun 'byin pa'i//
rtsub 'gyur tshal du mgon khyod mi bzhugs kyang//
gong mas lung bstan dga' ba'i tshal 'di rnyed//
bu slob mang po'i 'khor yug yangs pa'i dbus//
rtogs pa'i rlabs phreng gong nas gong 'phel zhing//
srid zhi'i rgud pa sel ba'i 'bab ngogs mchog//
chos kyi rgya mtsho dpal ldan nA lenTAr//
brtse chen khyod kyis mkhyen pa'i yon tan gyis//
'jig rten rgud pa ma lus rab bsal nas//
bstan pa'i chu chen brgya phrag khyod kyis phab//
mthu stobs dpung gis drag po'i khengs pa 'phrog//
de yang 'di ltar bdag nyid chen po 'di la nus pa'i yon tan bsam gyis mi khyab pa mnga' ba ni/ spyir bden pa'i tshig mtha' dag 'grub/ bstan pa sun 'byin par byed pa'i dgra bo dag la smod pa cung zad tsam mdzad na'ang de la mi 'dod pa mang po thog tu 'byung/ spyir chos skyong thams cad bran bzhin 'khol/