[A:334]dang bcas pa'i bshad pa lag len dang bcas pa gnang/ rgya'i bandhe mang po la kun rig gi dbang dang/ ngan song sbyong rgyud kyi bshad pa gnang/ gsang phu brag nag pa'i slob ma mang po la/ yo ga de nyid bsdus pa/ rdo rje 'byung ba dang bcas pa'i bshad pa mdzad/ mi nyag gi lha 'bri ston pa/ shes rab rdo rje la/ 'khor lo bde mchog dril bu pa'i dbang dang gzhung gsum gyi bshad pa dang bcas pa gnang/ chos kyi rje karma pa mthong ba don ldan la/ phag mo gzhung drug gi dbang dang/ gdams pa khyad par can rnams dang/ rnam 'joms bI rwa pa'i lugs kyi dbang dang/ mi g.yo ba bla med kyi dbang dang/ gzhan yang gdams pa khyad par can mang du gnang ngo//
gzhan yang lhag pa'i lha so so'i rjes gnang dang/ nA ro dang/ ni gu dang/ bde mchog snyan rgyud/ sbyor ba yan lag drug pa dang/ lam skor phyi ma la sogs pa yul so so'i sgrub pa po dang/ skal ba dang ldan pa'i slob ma rnams la gnang ba ni bsam gyis mi khyab cing bgrang bar mi nus so//
de dag la de skad ces/
la la mkhas kyang grub pa med//
'ga' zhig grub kyang mkhas pa min//
mkhas dang grub pa gnyis tshogs pa'i//
skyes chen dam pa 'di 'dra dkon//
'ga' zhig 'ga' las mkhas par bsgrub 'dod nas//
mkhas 'di mkhas pa min pa'i grangs su 'dren//
gtam de gtam du byas pa tsam nyid nas//
rang gis rang nyid mkhas pa min par bgrangs//
1.2.5.1.3.
mkhas btsun bzang gsum gyi slob ma ji ltar byung ba'i tshul/
gsum pagnyis pa bu slob ji ltar byung ba'i tshul la/ 1.2.5.1.3.1.
drung nyid du bslab sbyangs mthar phyin pa'i mkhas pa ji ltar byung ba'i tshul dang/ 1.2.5.1.3.2.
chos 'brel zhus nas dad pa thob pa'i slob ma ji ltar byung ba'o//
1.2.5.1.3.1.
drung nyid du bslab sbyangs mthar phyin pa'i mkhas pa ji ltar byung ba'i tshul/
dang po ni/
mang du gsan pa'i chu gter dbus shig na//
gdams pa bdud rtsi'i nying khus rab ngoms nas//
stong phrag blo