[A:317]zad pa med cing ches cher 'phel gyur pa'i//
gsung rab kun la sbyangs pa'i thugs mnga' khyod//
bcu phrag drug gi des pas nyer 'khyud nas//
mig stong ldan pa'i snying la bde ster ba'i//
dam chos 'chad pa'i dbyangs kyis lha rnams kyang//
'khor du bsdu ba khyod la phyag 'tshal lo//
'di la don gsum ste/
1.2.5.1.1
dus ji tsam gyi bar du chos gsungs pa'i tshul/ 1.2.5.1.2
chos gang dang gang gsungs pa'i rnam grangs/ 1.2.5.1.3
de nyid nyams su blangs pas mkhas btsun bzang gsum gyi slob ma ji ltar byung ba'i tshul lo//
1.2.5.1.1
dus ji tsam gyi bar du chos gsungs pa'i tshul/
dang po ni/ dgung lo nyer gnyis pa la/ rngog lo chen po'i gdan sar slob dpon blo gros chos skyong la sogs pa shes rab can lnga la tshad ma rnam par nges pa gsungs pa nas brtsams te/ brgyad cu rtsa gsum pa la mya ngan las 'das pa'i bar nyin re la/ tha na slob ma gcig tsam la gtsug lag gi tshigs su bcad pa gcig yan chad kyi chos kyi sbyin pa mdzad par dam bcas te/ mdor na lo drug cu re gnyis kyi bar du dam pa'i chos kyi nyan bshad rgyun ma chad par mdzad pa'i gnas ni/ shar phyogs su phag mo gru dang/ 'bring khung thel tshun chad/ nub phyogs su la stod ding ri glang 'khor dang/ byang ngam ring man cad/ lho phyogs su yar lung g.ya' bzang pa dang/ ya 'brog sna dkar tshun cad/ byang phyogs su byang rwa sgreng dang/ gnam rtse ldeng gi gtsug lag khang tshun chad du gnas nges med sna tshogs su chos kyi 'khor lo bskor bar mdzad do//
de yang rtsa ba'i grwa sa dang/ bzhugs gnas kyi mthil ni/ rdo rje gdan gnyis pa gsang phu ne'u thog gi chos grwa chen po yin la/ rje btsun nyid kyi dgung lo bdun cu bzhes pa/ bstan bcos pa ltar na me pho 'brug gi lo la shrI nA lintra'i gtsug lag khang gi 'gram