[A:316]la ni thos bsam gyi bya ba kho nas dus yol nas/ rtse gcig tu bsgrub pa la g.yel/ la la ni thos bsam gyi bya ba bshol nas dben pa'i gnas su bsgrub pa kho na la gshegs par mdzad mod/ dus rtag par 'khor tshogs rgya mtsho'i dbus su bzhugs nas thos bsam bsgom gsum gyi mdzad pa cha mnyam du mthar phyin par mdzad pas grub pa'i sa brnyes pa ni/ bdag nyid chen po 'di las gzhan kha ba can 'dir byon pa med do//
mdor na bdag nyid chen po 'di la sher phyin gyi mdo las gsungs pa'i sbyor lam pa dang/ mthong lam pa phyir mi ldog pa'i rtags rnams dang/ sa dang po nas lnga pa'i bar gyi yongs sbyong du bshad pa de thams cad tshang bar thugs rgyud la bzhugs par mngon sum gyis grub pas sa thob pa'i semssoms dpa' chen por gdon mi za'o//
de dag la 'di ltar/
khyed kyi bzang po'i yon tan rgya mtsho'i rlabs//
mi bsrun phrag dog rta gdong mes mi non//
lce brgya ldan pa'i chu 'dzin gyis blangs nas//
phrin las char chen rtag par 'bebs la brtson//
1.2.5
mkhas pa'i bya ba gsum gyis rgyal ba'i bstan pa la bgyi ba mdzad pa'i tshul/
lnga pa mkhas pa'i bya ba gsum gyisgyi sangs rgyas kyi bstan pa la bya ba mdzad pa'i tshul la/
'chad rtsod rtsom gsum mkhyen pa'i rnam dpyod kyis//
gdong mdzes mtshar ba'i lang tsho g.yo ldan pa//
thub bstan dngul dkar dngas pa'i me long du//
gsal bar shar ba khyod la phyag 'tshal lo//
'di la don gsum ste/ 1.2.5.1
'chad pa tshangs pa'i rnga chen gyis skal ldan gyi slob ma ji ltar bzung ba'i tshul/ 1.2.5.2
rtsod pa seng ge'i nga ros phyi rgol gyi glang po ji ltar bcom pa'i tshul/ 1.2.5.3
rtsom pa nor bu'i do shal gyis thub bstan gyi khang bzangs ji ltar brgyan pa'i tshul lo//
1.2.5.1
'chad pa tshangs pa'i rnga chen gyis skal ldan gyi slob ma ji ltar bzung ba'i tshul/
dang po ni/
rigs shing grol ba'i spobs pa ma dros mtsho//
grags pa'i chu bos phyogs brgyar drangs gyur kyang//