[A:475]ཆོས་བཤད་
ཅིང་གདམས་ངག་གནང༌།
དེ་བ་ཨཱ་ཀ་ར་ཙ་ནྡྲས་ཞལ་གཉིས་མ་ཆེ་བ། དོན་གྲུབ་མ་ཆེ་བ། སྦྱིན་བསྲེག་རྣམས་ལ་ཡི་གེ་མཛད་པར་ཞུས་པས་མ་གནང༌། སྦྱིན་བསྲེག་ནི་སངས་རྒྱས་བྱིན་ལ་
བླ་མའི་བཀས་གནང་ནས་ཁོང་གིས་མཛད། ཡང་ཧ་མུ་དཀར་པོས་སྤྱན་དྲངས་ནས་
ཀྱང་བྱིན་རླབས་དང་གདམས་པ་ཚང་བར་ཞུས།
བྱིན་རླབས་མཛད་པའི་ཚེ་བུ་མོ་ལྔ་དགུག་པའི་སྦྱོར་བ་མཛད་དེ། ཧ་མའི་ཆུང་མས་མི་མཐོང་བར་
མཛད་པས། བུ་མོ་མ་མཐོང་བར་ཆང་སྐྱོགས་ནམ་མཁའ་ལ་འདུག་པ་ཆུང་མས་མཐོང་བས། འདི་ཇི་ལྟར་ལགས་ཞུས་པས། ངའི་བྱིན་རླབས་ཡིན་གསུང༌།
དེའི་ཚེ་བལ་ཡུལ་དུ་སྟོང་ཉིད་ཏིང་འཛིན། མ་ཧེ་བྷཱ་རོ། ཧ་མུ་དཀར་པོ། སངས་རྒྱས་བྱིན་ཏེ་སློབ་མ་བཞི་བླ་མ་དང་ལྔ་ཚོགས་པར་གྱུར་ཏོ། །ཧ་མུས་གསེར་སྲང་གསུམ་ཕུལ། དེ་ནས་བླ་མ་རྒྱ་གར་དུ་འགྲོ་གསུངས་ནས་སློབ་མ་གསུམ་པོས་རྡོ་རྗེ་གདན་གྱི་བར་དུ་བསྐྱལ། ལམ་དུ་
ཇག་པ་བྱུང་བའི་ཚེ་ད་ཇི་ལྟར་བྱ་ཞེས་ཞུས་པས། ཐབས་ཡོད་གསུང་ནས་ཇག་པ་ལ་བྱིན་རླབས་ཕབ་པས་
ཇག་པ་རྣམས་གར་བྱེད་ཅིང་འདུག་པས་དེའི་བར་ལ་བྱོན། སློབ་མ་གསུམ་པོ་རྡོ་རྗེ་གདན་ནས་ཕྱིར་ལོག བླ་མ་ནི་ལྷོ་ཕྱོགས་བེ་ཏ་ལར་བཞུད་དོ།
།སྟོང་ཉིད་ཏིང་འཛིན་གྱིས་ལོ་དྲུག་ཏུ་བསྒོམས་པས་ཡོན་ཏན་ཁྱད་པར་ཅན་བརྙེས་ཀྱང༌། ཞལ་
གཉིས་མ་ཆེ་བ་དང་དོན་གྲུབ་མ་ཆེ་བའི་ཡི་གེ་མཛད་པ་དེ་བླ་མའི་བཀའ་ལས་ཅུང་ཟད་འགལ་བས་ཟང་
ཟིང་གི་སྐུ་བསོད་བྲི་སྟེ། འཇིག་རྟེན་པའི་མཁའ་འགྲོ་མས་