[A:476]བར་ཆད་བྱས་པ་ཡིན་གསུང་ངོ༌།
།འདིས་མཛད་པའི་གཞུང་གཞན་ཡང་ཤེས་རབ་ཡེ་ཤེས་གསལ་བ་དང༌། བདག་མེད་མའི་
མངོན་པར་རྟོགས་པ་དང༌། སྤྱན་མའི་ངན་སོང་ཡོངས་སུ་སྦྱོང་བ་དང༌། ཀྱེའི་རྡོ་རྗེའི་
དཀྱིལ་འཁོར་གྱི་ཆོ་ག་མཛད་པ་རྣམས་ནི་བོད་དུ་འགྱུར་རོ།
།དེ་ལ་ཧ་མུ་དཀར་པོ་ནི་མཚན་དངོས་བསོད་ནམས་འབྱུང་གནས་བཟང་པོ། ཡོན་ཏན་གྱི་
མིང་བ་རེནྟྲ་རུ་ཙི་སྟེ་མཆོག་ཏུ་དབང་པོ་གསལ་བའོ། །འདིས་སྟོང་ཉིད་ཏིང་འཛིན་ལ་
ཡང་ལེགས་པར་ཞུས་སོ། །དེ་ལ་དཔྱལ་ཀུན་དགའ་རྡོ་རྗེས་གསན་ཏེ།
དེ་ཡང་དཔྱལ་འདི་རྣམས་ཆོས་རྒྱལ་ཁྲི་སྲོང་ལྡེ་བཙན་གྱི་བློན་པོར་གྱུར་པ་ཞིག་ལ་བུ་གསུམ་བྱུང་བ། རྒྱལ་པོས་དཀར་ནག་ཁྲ་གསུམ་དུ་བཏགས་པ་ལས་དཔྱལ་དཀར་ནག་ཁྲ་གསུམ་ཞེས་
བརྒྱུད་པ་དང་བཅས་པ་ལ་གྲགས། སྔ་མ་ཕལ་ཆེར་རྙིང་མའི་དགེ་བའི་
བཤེས་གཉེན་ཡང་དག་པ་ཤ་སྟག་ཏུ་བྱོན། དེ་རྣམས་ལས་དཔྱལ་འབྱུང་གནས་རྒྱལ་མཚན་
ཞེས་བྱ་བ་དེས་གསེར་མང་དུ་བསྣམས་ནས་པནྚི་ཏ་སྨྲི་ཏི་ར་རྫིར་གྱུར་བ་ལས་ཇོ་བོ་རྣམས་ལ་གསེར་བྱིན་ནས་བླུས། དེ་རྗེས་སྨྲྀ་ཏི་ལ་སྐུ་བསོད་ཆེན་པོ་སྐྱེས། བྲེས་སུ་པནྚི་ཏས་ཆོས་གསུངས་པས་གསེར་གཡུའི་ཆར་བབ་པར་གྱུར། བཞུགས་པར་ཞུས་ཀྱང་
མ་གསན་པར་ཁམས་སུ་བཞུད་དོ།
།དཔྱལ་འབྱུང་གནས་རྒྱལ་མཚན་གྱི་དབོན་པོ་སེ་ཚ་བསོད་ནམས་རྒྱལ་མཚན་གྱིས་བལ་པོར་བྱོན་ནས་ཕམ་མཐིང་བ་ལ་གཏུགས་ནས། ཀྱེའི་རྡོ་རྗེ་ལ་སོགས་པ་ནཱ་རོ་པའི་ལུགས་རྣམས་གསན་ཞིང༌། ཀྱེ་རྡོར་གྱི་ཊཱི་ཀ་མཛད་པ་ལ་ཡང་དཔྱལ་བ་རྣམས་ལ་འཆད་