[A:474]
ཀ་ར་ཙནྡྲ་གསང་མཚན་སྟོངས་ཉིད་ཏིང་འཛིན་རྡོ་རྗེ་དང་མཇལ་ཏེ། སློབ་དཔོན་དེ་ནི་
གྲོང་ཁྱེར་ཆེན་པོ་ལ་འགལ་གྱི་རྗེའུ་རིགས། བུ་གཅིག་པོ་ཡིན། ལོ་བརྒྱད་ལོན་པའི་ཚེ་
ཕས་ཆུང་མ་བླངས་ཤིང་ཁྱིམ་གཟུང་ཞིག་པར་བསྒོ་བ་ལས། ང་ནི་ཆོས་བྱེད་ཟེར་ནས་མ་ཉན་པ་ལ། གང་དུ་བྱེད་དྲིས་པས། ང་ལ་འགྲོ་ས་ཡོད་ཟེར་ནས་འཕགས་པ་ཛ་མ་ལི་ལ་ཞག་བདུན་དུ་
བསྐོར་བ་བྱས་པས། དེའི་ཞག་ཐ་མ་ལ་ད་རྒྱ་གར་གྱི་ཡུལ་དུ་ཐོང་ཞིག་ཅེས་སྨྲས་ཏེ་རྒྱ་གར་དུ་བྱོན། བི་ཀྲ་མ་ཤཱི་ལར་རབ་ཏུ་བྱུངབར་ཞུས་པས། དགེ་འདུན་གྱི་གྲངས་མ་ཚང་ཟེར་ནས་
རབ་ཏུ་འབྱུང་དུ་མ་གནང༌།
དེར་སྒྲ་ཚད་ལ་བསླབས་པས་ཤིན་ཏུ་མཁས་པར་གྱུར་ཏེ། བལ་པོ་རཏྣ་ཤྲཱི་དང་མཇལ་ནས་
སམྦུ་ཊི་དང་ཀྱེའི་རྡོ་རྗེ་གསན་པས་མཁས་པ་ཆེན་པོར་གྱུར་ཏེ། ལོ་ཡང་ཉི་ཤུར་བྱོན། རང་གི་ཁྱིམ་དུ་བྱོན་པ་ན་སྐུ་བསོད་ཀྱང་ཤིན་ཏུ་ཆེ་བར་གྱུར་ཏོ། །དེའི་ཚེ་བྷ་རོའི་མཆོད་གནས་
བསོད་སྙོམས་པ་ཞེས་བྱ་བ་ཞིག་བཞུགས་ཟེར་བ་ལ་ཤིན་ཏུ་དད་ནས། རས་པ་ཅོ་ར་གསུམ་ཁྱེར་ནས་
མཇལ་དུ་བྱོན།
ཁྱོད་པཎྜི་ཏ་ཞིག་ང་ཅི་ཡང་མི་ཤེས་པ་ཞིག་ལ་ཞུའམ་གསུང་པ་ལ། ཡང་ཡང་གདམས་པ་
གནང་བར་ཞུ་བ་ཕུལ་བས། ད་འོ་ན་བྱིན་རླབས་བྱ་དགོས་པས་ཆ་རྐྱེན་ཚོལ་ཅིག་གསུངས་ནས། མ་ཧེ་བྷ་རོ་དང་གཉིས་ཀྱིས་ལྷན་ཅིག་ཏུ་བྱིན་རླབས་ཞུས། དེའི་ཚེ་ཆང་ཀ་པཱ་ལ་གང་ལ་
བླ་མས་བྱིན་རླབས་མཛད་པས། ཇི་ཙམ་འཐུངས་ཀྱང་ཟད་པ་མེད་པ་ཞིག་བྱུང༌། ཚ་བོ་སངས་རྒྱས་བྱིན་གྱིས་བྱིན་རླབས་བྱས་པས་ཀྱང་དེ་བཞིན་དུ་བྱུང༌། དེར་